2 कुरन्‍थियों 7:10 - बुक्सा

¹⁰ कैसेकै जो दुख परमेसर की ओर सै आवै है, बौ मन कै बदलै है और मुक्‍ति की ओर ले जावै है। पर बौ दुख जो दुनिया सै मिलै है बौ मौत की ओर ले जावै है।

2 कुरन्‍थियों 7:10 Mawu Ofanana

मत्‍ती 26:75

तब पतरस कै ईसु की कैई भई बात याद आई कै, मुरगा के बाँक दैनै सै पैले तू तीन दफै मेरो इनकार करैगो। और बौ बाहार जाकै फूट-फूटकै रोल लगो।

लूका 15:10

मैं तुमसै कैरओ हौं कै इसई तरै सै एक भटके भए पापी के लौहट आनै सै परमेसर के दूतौ के सामने बड़ी खुसी मनाई जागी।”

लूका 18:13

“पर लगान लैनै बारे नै दूर खड़े होकै, हिंया तक कै सुरग की ओर अपनी आँख तक ना उठांई, और अपनी छाती पीटते भए बोलो, ‘हे परमेसर, मैं पापी हौं मेरे ऊपर दया कर और मैंकै माफ कर दे।’”

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

2 कुरन्‍थियों 12:21

मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्‍नै पैले भौत पाप करो हो और उनके गंदे काम, कुकरम, लुचपन बारी जिन्‍दगी सै मन ना फिरानै की बजै सै मैंकै रोनो पड़ै।

2 कुरन्‍थियों 7:9

अब मैं खुस हौं, पर इसताँई ना कै मैंनै तुमरे दिल कै चोट पौंचाई पर इसताँई कै बा दुख की बजै सैई तुमरो मन बदल गओ है। कैसेकै तुमरो बौ दुख परमेसर की ओर सै हो कै हमरी ओर सै तुमकै किसी बी बात मै नुकसान ना पौंचै।

इबरानिओ 12:17

तुम तौ जौ जानौ हौ कै जब बाद मै बानै बौ आसीस पानी चाँही तौ बौ बाके ताँई बेकार गिनी गई और बाके रो रो कै बिनती कन्‍नै के बाद बी बाकै मन फिरानै को मौको ना मिलो।