2 कुरन्‍थियों 6:9 - बुक्सा

⁹ लोग हमकै परदेसिऔं के हाँई समजै हैं, पर हमकै सबई जानै हैं। हम मरे भए हाँई दिखाई देवै हैं, पर फिर बी जिन्‍दे हैं। मार खानै बारौ के हाँई हैं, फिर बी जान सै ना मारे जावै हैं।

2 कुरन्‍थियों 6:9 Mawu Ofanana

चेलौ के काम 17:18

तबई इपीकुरी और स्तोईकी के पंडतौ मै सै कितने बाके संग बैहैस करल लगे। उनमै सै कुछ कैललगे कै, “जौ बकबास कन्‍नै बारो कैहनो का चाँहबै है?” तबई कुछ दूसरे लोगौ नै कैई कै, “ऐंसो लगै है कै जे किसी नए देबता को परचार कन्‍नै बारे हैं।” कैसेकै पौलुस ईसु और फिर सै जी उठनै की अच्‍छी खबर के बारे मै बताबै हो।

चेलौ के काम 19:26

तुमनै देखो और सुनो है कै बा पौलुस नै सिरप इफिसुस मै ना पर सिगरे एसिया के मुलक के लोगौ कै भड़का कै बैहका दओ है। और बानै कैई है कै, हात सै बनाए देबता सच्‍चे देबता ना हैं।

चेलौ के काम 25:19

पर बे अपने धरम की कुछ बातौं और ईसु नाम के एक आदमी के बारे मै, जो मर गओ हो, पर पौलुस बाकै जिन्‍दो बताबै हो, जाई बात मै बे बैहसबाजी करै हे।

चेलौ के काम 25:26

पर मेरे धौंरे जाके बारे मै लिखकै रोमी राजा के धौंरे भेजनै के ताँई कुछ खास बात ना ही। मैं जाकै राजा अगरिपा, और खास करकै तुमरे सामने जाकै इसताँई लाओ कै जाँच पड़ताल के बाद मैंकै कुछ लिखनै कै मिलै।

रोमियो 15:19

सकतिसाली चिन्‍नौ, चमत्कारौं और पबित्‍तर आत्‍मा की सकति सै, मेरे दुआरा ऐरूसलेम सै लेकै इलुरिकुम तक मसी की अच्‍छी खबर को काम पूरो करो।

रोमियो 8:36

जैसो कै सास्तर मै लिखो है, “तेरे ताँई हम दिनभर मारे जावै हैं। हमकै काटी जानै बारी भेड़ौ के जैसो समजो जावै है।”

1 कुरन्‍थियों 11:32

पर जब्बी परभु हमकै सजा देवै है, तौ बौ हमकै सुदान्‍नै के ताँई देवै है। जिस्सै कै हम जा दुनिया के लोगौ के संग दोसी ना बनै।

1 कुरन्‍थियों 15:31

हे भईयौ, मैं हमरे परभु ईसु मसी मै तुमरे बारे मै गर्ब करौ हौं कै मैं रोज मौत को सामनो करौ हौं।

1 कुरन्‍थियों 4:9

हम परमेसर के भेजे भए चेला हैं, और मैंकै ऐंसो लगै है कै परमेसर नै हमकै उन छोटे लोगौ के हाँई ठैराओ है, जिनकै खुल्‍लम खुल्‍ला मारनै को हुकम दओ जावै है। कैसेकै हम दुनिया, सुरगदूतौं और लोगौ के ताँई तमासो बन गए हैं।

2 कुरन्‍थियों 11:6

मानौ हौं कै मैं बोलनै मै अनाड़ी हौं पर मेरो गियान कम ना है। हर तरै सै सिगरी बातौं मै हमनै जौ साप-साप बता दओ है।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

2 कुरन्‍थियों 5:11

परभु को डर मानते भए हम लोगौ कै समजानै की कोसिस करै हैं और परमेसर हमकै अच्‍छे ढंग सै जानै है, और मैं जौ उमीद करौ हौं कै तुमरो मन बी जौ बात जरूर जानै है।