2 कुरन्‍थियों 6:5 - बुक्सा

⁵ मार खाते भए, जेल मै रैहते भए, लड़ाई के बीच मै सबर, मैहनत करते भए, पूरी रात जगते भए, भूँके रैहते भए,

2 कुरन्‍थियों 6:5 Mawu Ofanana

मत्‍ती 14:10

और जेलखाने मै जल्‍लादौ कै भेजकै यहून्‍ना की खोपड़ी कटबा दई।

मत्‍ती 14:3

कैसेकै हेरोदेस नै अपने भईया फिलिप्‍पुस की बईयर हेरोदियास के बजै सै यहून्‍ना गिरप्‍तार करो और बांधकै जेलखाने मै डार दओ हो।

मत्‍ती 9:15

ईसु नै उनसै कैई, “जब तक दूलाह बरातियौ के संग है, का बे दुखी हो सकैं हैं? पर बे दिन आंगे, जब दूलाह उनसै बिछड़ जागो, और तब उन दिनौ बे बरत रखंगे।

चेलौ के काम 13:3

तबई उनौनै बरत और पिराथना कन्‍नै के बाद बरनबास और साऊल के ऊपर हात रक्‍खे और उनकै सेवा के ताँई भेज दओ।

चेलौ के काम 14:19

अन्‍ताकिया और इकुनिया मै कुछ यहूदी लोग आए और बहाँ के लोगौ कै अपने संग कर लओ और पौलुस के ऊपर पत्‍थर मरवाए और बाकै मरो भओ समजकै सैहर के बाहार खचेड़ते भए लाए।

चेलौ के काम 14:23

पौलुस और बरनबास नै अगल अगल बिसवासिऔ की मंडली मै अगल अगल मुखियौं कै ठैराओ और बरत और पिराथना करकै उनौनै परभु के हात मै सौंप दओ जिसमै उन्‍नै बिसवास करो।

चेलौ के काम 17:5

पर यहूदी लोग जौ सब देक्‍कै जरन सै भर गए। उन्‍नै बजार के कुछ बदमास लोगौ कै अपने संग ले लओ और सैहर मै भीड़ लगाकै दंगा करल लगे। बे यासोन के घर जाकै लड़ाई करल लगे। पौलुस और सीलास कै लोगौ के सामने लानै की कोसिस करी।

चेलौ के काम 20:31

इसताँई चौकस रौह और याद करौ कै मैं तुमकै तीन साल तक दिन रात रो रो कै सबई जनी कै समजातो रैहओ।

चेलौ के काम 23:10

जब लड़ाई भौत जादा होल लगी तौ सैनापति डर गओ कै कहीं जे लोग पौलुस के टुकड़ा-टुकड़ा ना कर दैं। तबई बानै सिपाईऔं कै हुकम दओ कै बे भीड़ मै जाकै पौलुस कै उनके बीच मैसै लिकारकै छाबनी मै ले जाऐ।

चेलौ के काम 23:35

तौ बानै बासै कैई कै, “मैं तेरी सुनबाई जबई करंगो जब बे जो तेरे ऊपर इलजाम लगानै बारे हैं आंगे।” बानै पौलुस कै हेरोदेस के किला मै रखनै को हुकम दओ।

चेलौ के काम 24:27

पर ऐंसोई चलतो रैहओ और दो साल बीत गए तबई फेलिक्‍स की जघै मै पुरकियुस फेस्तुस राजपाल आओ। फेलिक्‍स नै यहूदी लोगौ कै खुस कन्‍नै के ताँई पौलुस कै जेल मैई कैदी बने रैहन दओ।

चेलौ के काम 26:10

और मैंनै ऐरूसलेम मै ऐंसोई करो कै मुक्‍ख पुजारिऔं के धौंरे सै अधकार की चिट्‌ठी लेकै परमेसर के लोगौ कै जेल मै डारो, और जब उनकै जान सै मारै हो तौ मैं बी बा बात मै संग हो।

चेलौ के काम 26:29

पौलुस नै कैई कै, “जल्दी या देर सैई पर मेरी परमेसर सै जौ बिनती है कै, तूई ना पर जित्‍ते बी लोग मेरी आज सुन रए हैं, सिरप इन साँकरौ कै छोड़कै, बे मेरे हाँई हो जांगे।”

चेलौ के काम 28:30

पौलुस बहाँ दो साल तक किराए के घर मै रैहओ और जो लोग बासै मिलनै आवै हे, बौ उनको सुआगत करै हो।

चेलौ के काम 5:18

और उनौनै भेजे भए चेलौ कै पकड़कै जेल मै डार दओ।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

1 कुरन्‍थियों 4:11

इस बखत हम भूँके पियासे और फटे भए लत्‍ता पैहरे भए हैं, और हमरे संग बुरो बरताब करो जावै है, और हम मारे बितारे फिरै हैं।

1 कुरन्‍थियों 7:5

तुम आपस मै एक दूसरे सै अगल ना रौह, पर रैहनो है तौ आपस मै बातचीत करकै कुछ बखत पिराथना के ताँई जरूर लिकारिओ और फिर उसके बाद संगई रैहईओ। कहीं ऐंसो ना हो जाऐ कै तुम खुद के ऊपर काबू ना रख सकौ और सैतान तुमकै परखै।

2 कुरन्‍थियों 11:27

मैं कई मौके मै सो तक ना पाओ हो, मैं भूँको और पियासो रैहओ और कई दफै मैंकै रोटी तक ना मिल पाई ही, और जाड़े मै कम लत्‍ता की बजै सै मैं ठिटरतो रैहओ हौं।

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

फिलिप्‍पीऔ 1:13

इस बजै सै रोमी राजा के महल के पैहरेदारौ और सबई लोगौ कै जौ पतो है कै मैं मसी के ताँई कैद मै हौं।

1 थिसलुनीकियौ 2:9

ओ भईयौ और बहनौ, तुम याद रक्‍खौ कै हमनै तुमरे बीच मै रात-दिन मैहनत को काम इसताँई करो है, जिस्सै कै हम परमेसर की अच्‍छी खबर कै सुनाते भए किसी के ऊपर बोज ना बनै।

1 तीमुथियुस 4:10

कैसेकै हम काम और मैहनत इसताँई करैं कै हमरो बिसवास बा जिन्‍दे परमेसर मै है, जो सबई लोगौ कै बचाबै है, और खास करकै उनकै जो बाके ऊपर बिसवास करै हैं।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

2 तीमुथियुस 2:9

अच्‍छी खबर के ताँई मैं दुख झेलौ हौं और मैंकै कैदी के हाँई साँकरौ सै जकड़ो गओ। पर परमेसर कै कैद ना करो जा सकै है।

2 तीमुथियुस 4:5

और तू सिगरी बातौं मै चौकस रैह, दुख सैह, अच्‍छी खबर के परचार को काम कर और अपनी सेवा पूरी कर।

इबरानिओ 11:36

कुछ लोगौ की मजाक बनी और कुछ लोगौ कै कोड़ा मारे और किसी कै साँकरौ सै बांधकै जेल मै डार दओ।

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

इबरानिओ 13:23

मैं तुम लोगौ कै जौ खबर देवौ हौं कै हमरो भईया तीमुथियुस जेल सै छुट गओ है और अगर बौ जल्दीई आ गओ तौ मैं बी बाके संग तुमसै मिलनै आंगो।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।