2 कुरन्‍थियों 5:15 - बुक्सा

¹⁵ मसी सिगरे लोगौ के ताँई मरो, कैसेकै जो जिन्‍दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्‍दो भओ।

2 कुरन्‍थियों 5:15 Mawu Ofanana

लूका 1:74

कै हमरे दुसमनौ के हातौ सै हमरो छुटकारो हो और बिना किसी डर के परभु की सेवा कन्‍नै की ईजाजत मिलै।

यहून्‍ना 5:24

“मैं तुमसै सच-सच कैरओ हौं, जो मेरे बचन सुनकै मेरे भेजनै बारे मै बिसवास करै है, हमेसा की जिन्‍दगी बाकी है, और बाके ऊपर सजा को हुकम ना है, पर मौत सै पार होकै बौ जिन्‍दगी मै पौंच चुको है।

यहून्‍ना 6:57

जिस तरै जिन्‍दे अब्बा नै मैं भेजो हौं और मैंकै अब्बा के बजै सै जिन्‍दगी मिली है, इसी तरै सै जो मैंकै खावै है बौ बी मेरे बजै सै जिन्‍दो रैहगो।

रोमियो 12:1

इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

रोमियो 4:25

परमेसर नै ईसु कै हमरे पापौं के बजै सै मरनै के ताँई दे दओ, बाई नै हमकै धरमी बनानै के ताँई मरे भएऔं मै सै ईसु कै फिर जिन्‍दो कर दओ।

रोमियो 6:2

बिलकुल ना। हम जो पाप के ताँई मर चुके हैं, तौ पाप मैई कैसे जींगे

रोमियो 6:6

हमकै कबी जौ ना भूलनो चँईऐ कै हमरो पुरानो सौभाब ईसु के संग कुरूस मै चढ़ा दओ गओ है, जिस्सै पाप को सरीर मर जाऐ और हम फिर सै पाप के दास ना बन पांऐ।

रोमियो 8:10

पाप की बजै सै सरीर तौ मर रओ है पर अगर मसी तुम्मै है, तौ आत्‍मा तुमकै जिन्‍दगी देवै है, कैसेकै परमेसर के संग तुमरो सई रिस्ता हो गओ है।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

रोमियो 8:6

सरीर मै मन लगानो तौ मौत है, पर आत्‍मा मै मन लगानो जिन्‍दगी और सान्‍ति है।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

2 कुरन्‍थियों 12:10

कैसेकै मैं मसी की सेवा करौ हौं पर मैं कमजोरिऔं मै, बेजती मै, मुसीबतौं मै और सताब मै पूरी तरै खुस हौं। कैसेकै जब मैं कमजोर होबौ हौं तौ तबई मैंकै तागत मिलै है।

2 कुरन्‍थियों 3:6

बानै हमकै नए नियम को सेवक होनै के ताँई लायक बनाओ है। किसी लिखे भए नियम को सेवक ना, पर पबित्‍तर आत्‍मा को। कैसेकै लिखो भओ नियम मौत देवै है पर पबित्‍तर आत्‍मा जिन्‍दगी देवै है।

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

गलातिऔ 5:25

कैसेकै जब हम पबित्‍तर आत्‍मा दुआरा जिन्‍दे हैं, तौ जैसो आत्‍मा बोलै है, हम बैसोई करैं।

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

कुलुसिऔं 2:12

तुम लोग जल संस्कार के बखत मसी के संग गाड़े गए और बाईके संग फिर सै जिन्‍दे बी करे गए। कैसेकै तुमनै परमेसर की सकति मै बिसवास करो है, जिसनै बाकै मरे भएऔं मै सै फिर सै जिन्‍दो करो है।

कुलुसिऔं 3:1

अगर जब तुम लोगौ कै मसी के संग जिन्‍दो करो गओ है, तौ सुरग की चीजौ कै ढूंड़नै मै लगे रौह, जहाँ परमेसर के खाने हात की ओर मसी बैठो है।

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

कुलुसिऔं 3:23

और जो कुछ बी तुम करौ हौ बाकै सच्‍चे दिल सै करौ और जौ बात समज लेईओ कै तुम जो कुछ कर रए हौ बाकै आदमी के ताँई ना पर हमरे परभु के ताँई कर रए हौ।

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

1 पतरस 4:6

कैसेकै मरे भए आदमिऔ कै बी अच्‍छी खबर इसताँई सुनाई ही कै सरीर के हिसाब सै उनको नियाय हो पर आत्‍मा मै बे परमेसर के हिसाब सै जीऐं।

1 यहून्‍ना 4:9

परमेसर नै अपनो पियार हमरे ऊपर ऐंसे दिखाओ कै बानै अपनो इकलौतो लौंड़ा जा दुनिया मै भेजो, जिस्सै कै हम बाके लौंड़ा के दुआरा जी सकैं।

परकासन 1:18

मैं जिन्‍दो हौं, मैं मर गओ हो, और अब देख मैं युगौं युग जिन्‍दो हौं। मौत और अधलोक की कूंची मेरेई धौंरे हैं।