2 कुरन्‍थियों 5:10 - बुक्सा

¹⁰ हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

2 कुरन्‍थियों 5:10 Mawu Ofanana

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

चेलौ के काम 10:42

“बानै हमकै जौ हक दओ कै लोगौ के बीच मै परचार करौ और मेरी गभाई देओ कै जौ बौई है जिसकै परमेसर नै जिन्‍दो और मरे भएऔं को नियाय कन्‍नै बारो ठैरार खाओ है।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

रोमियो 2:16

जौ सब उस दिन पूरो करो जागो, जब परमेसर मेरी अच्‍छी खबर के अनुसार ईसु मसी के दुआरा आदमिऔ के छिपी भंई बातौं को नियाय करैगो।

रोमियो 6:19

मैंनै तुमकै जौ उदाहरन इसताँई दओ कैसेकै जौ बात समजनी तुमरे ताँई मुसकल है। जैसे तुमनै बुराई के ताँई अपने सरीर के अंगौ कै असुद्‍द और गलत कामौ को दास बनाओ, बैसेई अब तुम पबित्‍तर होनै के ताँई अपने सरीर के अंगौ कै धारमिकता को दास बनाओ।

1 कुरन्‍थियों 4:5

इसताँई ठैराए भए बखत सै पैलेई, परभु के आनै तक कोई किसी को नियाय ना करै, कैसेकै बौई तौ इन्‍धेरे मै छिपी भई बातौं कै सामने लागो, और जो बात आदमी के मन मै है। बाकै बी बौ परकट कर देगो। तब सिगरे लोगौ की बड़ाई परमेसर की ओर सै होगी।

2 कुरन्‍थियों 7:3

मैं तुम लोगौ के ऊपर दोस लगानै के ताँई जौ सबई कुछ ना कैरओ हौं। पर मैंनै तौ तुमसै जौ बात पैले बी कैई ही कै तुम हमरे दिल मै ऐंसे बस गए हौ कै हम तुमरे संग जीनै के ताँई और मरनै के ताँई बी तईयार हैं।

इफिसिऔ 6:8

कैसेकै तुम जानौ हौ कै हर एक आदमी, चाँहे बौ गुलाम होए, या आजाद होए, जो कोई भलाई के काम करैगो, बाकै बाको फल परभु की ओर सै मिलैगो।

इबरानिओ 9:27

और जैसे आदमिऔ के ताँई एक दफै मरनो और बाके बाद नियाय को होनो पक्‍को है,

1 पतरस 4:5

पर बे परमेसर कै अपने कामौ को लेखो दंगे जो जिन्‍दे और मरे भएऔं को नियाय कन्‍नै के ताँई तईयार है।

परकासन 2:23

मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।

परकासन 22:12

देखौ, मैं जल्दी आनै बारो हौं, मेरे हात मै तुमरे कामौ को फल बी है, और हर एक आदमी कै उसके कामौ के हिसाब सै फल दंगो।