2 कुरन्‍थियों 5:1 - बुक्सा

¹ कैसेकै हम जौ जानै हैं कै जौ हमरो सरीर एक तम्बू के हाँई है जिसमै हम जा धरती मै रैहबैं हैं, और जब जा तम्बू कै गिरा दओ जागो तौ, परमेसर की ओर सै हमकै सुरग मै ऐंसो घर मिलैगो जो कबी खतम ना होगो, और जिसकै किसी आदमी नै ना बनाओ होगो।

2 कुरन्‍थियों 5:1 Mawu Ofanana

मरकुस 14:58

“हमनै इसकै जौ कैते भए सुनो है, कै मैं इस हात के बनाए भए मन्‍दर कै ढै दंगो, और तीन दिन के भीतर दूसरो बना दंगो जो हातौ सै ना बनो होगो।”

चेलौ के काम 7:48

“पर परमपरधान परमेसर हात सै बनाए भए मन्‍दर मै ना रैहबै है। जैसो नबी नै कैओ है।

1 कुरन्‍थियों 3:9

कैसेकै हम परमेसर की सेवा मै साती हैं, पर तुम परमेसर की खेती और परमेसर के घर हौ।

2 कुरन्‍थियों 4:7

पर हम मट्‍टी के बा बरतन के हाँई हैं जिसमै जौ खजानो रक्‍खो भओ है। जिस्सै जौ साप-साप हो जाऐ कै बौ सकति जो कबी खतम ना होवै है, हमरी ओर सै ना पर बौ परमेसर की ओर सै है।

2 कुरन्‍थियों 5:4

सच्‍ची मै हम जब तक जा दुनिया के घर यानी सरीर मै रैहंगे, तौ बोज की बजै सै कैंखते रैहंगे, कैसेकै हम अपने जा सरीर कै छोड़नै के ताँई ना सोचै हैं। पर जामै सुरग के सरीर कै पैहरनो चाँहै हैं, जिस्सै जौ नास होनै बारो सरीर जिन्‍दगी मै बदल जाय।

कुलुसिऔं 2:11

और बाई मै तुमरो खतना बी भओ है, बौ खतना आदमी को ना है, बौ तौ मसी को है जिसके दुआरा पाप बारो सरीर लिकारकै फैंक दओ जावै है।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।

इबरानिओ 11:10

इब्राहिम पूरे भरोसे के संग बा सैहर को पैंड़ो देख रओ हो जिसकी नीह पक्‍की है, और बा सैहर कै रूप दैनै बारो और बनानै बारो परमेसर है।

इबरानिओ 9:11

पर जब मसी अच्‍छी चीजौ को बड़ो पुजारी बनकै आओ तब बौ बा बढ़िया और सबसै अच्‍छे तम्बू मै सै होकै आओ जो आदमी के हात सै बनाओ भओ ना हो यानी जा दुनिया को ना।

इबरानिओ 9:24

कैसेकै मसी आदमी के हात सै बनाई भई पबित्‍तर जघै मै ना गओ जो सच्‍चे पबित्‍तर जघै की एक नकल है। पर अब हमरी ओर सै बौ परमेसर के सामने परकट होनै के ताँई सुरग मै गओ।

1 पतरस 1:4

जो धन-दौलत तुम लोगौं के ताँई सुरग मै है, बौ कबी नास ना होगी और ना खराब होगी और ना बामै दाग लगैगो और ना बाकी चमक कबी कम होगी।

2 पतरस 3:11

जब जे सबई चीज ऐंसेई नास होनै बारी हैं, तौ सोचौ तुमकै कैसो आदमी होनो चँईऐ और तुमरो चाल-चलन पबित्‍तर और तुमरी जिन्‍दगी परमेसर कै परसन्‍द आनै बारी हो।

1 यहून्‍ना 3:14

हम जानै हैं कै हम मौत सै लिकरकै जिन्‍दगी मै आ गए हैं, कैसेकै हम अपने भईयौ सै पियार करै हैं; जो पियार ना करै है, बौ मौत के बस मै है।

1 यहून्‍ना 3:19

इसई सै हम जानै हैं कै हम सच्‍चाई के हैं और हम अपने परमेसर के सामने अपने मन कै हौसला दे सकंगे,

1 यहून्‍ना 3:2

मेरे पियारे भईयौ, अब हम परमेसर की औलाद हैं, मगर जौ अबी तक परकट ना भओ है कै हम का बनंगे। हम इतनो जानै हैं कै जब परमेसर को लौंड़ा परकट होगो, तौ हम बाके जैसेई हो जांगे, कैसेकै हम बाकै बैसेई देखंगे जैसो बौ है।