2 कुरन्‍थियों 4:17 - बुक्सा

¹⁷ कैसेकै हमरो घड़ी भर को एक छोटो सो दुख हमरे ताँई हमेसा की महिमा कै पैदा करै है जो दुख सै भौत अच्‍छो है।

2 कुरन्‍थियों 4:17 Mawu Ofanana

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

लूका 6:23

उस दिन तुम खुस होकै उछलिओ कूदिओ, कैसेकै सुरग मै तुमरे ताँई बड़ो ईनाम है, उनके बाप-दादौं नै बी भबिसबानी कन्‍नै बारौं के संग ऐंसोई करो हो

चेलौ के काम 20:23

मैं तौ बस जौ जानौ हौं कै, सिगरे सैहर मै पबित्‍तर आत्‍मा जौ कैह कै मैंकै चौकस करै है कै जेल और कसट तेरे ताँई पैंड़ो देख रए हैं।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

रोमियो 8:18

कैसेकै मैं समजौ हौं कै इस टैम के हमरे दुख और मुसीबत उस महिमा के सामने कुछ बी ना हैं, जो हमरे ऊपर परकट होनै बारी है।

रोमियो 8:34

फिर कौन है जो सजा की आगियाँ देगो? मसी ईसु बौ हो जो मर गओ पर बौ मुरदौं मै सै फिर जी उठो, और परमेसर के खाने हात की ओर बैठो है, और हमरे ताँई बिनती बी करै है।

रोमियो 8:37

पर इन सब बातौं मै हमकै उसके दुआरा जिसनै हम सै पियार करो है, अच्‍छे तरीका सै जीत पा लई है।

1 कुरन्‍थियों 2:9

पर जैसो पबित्‍तर सास्तर मै लिखो है, “जिन बातौं कै ना तौ आँखौ नै देखो और ना कानौ नै सुनो, और नाई कोई आदमी उनकै अपने मन मै सोच सकै है। बेई बात परमेसर नै अपने पियार कन्‍नै बारौ के ताँई तईयार करी हैं।”

2 कुरन्‍थियों 3:18

जब हमरे मौह सै परदा हट गओ है तौ हम एक दरपन के हाँई हैं। और बामै परभु की चमक कै देखै हैं। हम बी बाके हाँई बैसेई होनै लगै हैं, और हमरी चमक बढ़ती चली जावै है और जौ चमक परभु की आत्‍मा सै मिलै है।

फिलिप्‍पीऔ 1:19

कैसेकै मैं जौ जानो हौं कै तुमरी पिराथनाऔ और ईसु मसी की आत्‍मा की सायता सै, इन सबई की बजै सै मैं मुक्‍ति पांगो।

2 थिसलुनीकियौ 1:4

इसताँई परमेसर के बिसवासिऔ की मंडलिऔ मै हम घमंड करै हैं कै जो कसट और सताब तुमनै झेलो हो, उन सब मै तुमरो सबर और बिसवास देखो है।

2 थिसलुनीकियौ 1:6

परमेसर को नियाय सई है, जो लोग तुमकै कसट देवै हैं, उन लोगौ कै परमेसर कसट देगो।

2 तीमुथियुस 2:10

इसताँई परमेसर के चुने भए लोगौ के ताँई मैं दुख उठामौ हौं, जिस्सै बे बी मसी ईसु दुआरा मुक्‍ति के संग-संग हमेसा की महिमा पांऐ।

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

1 यहून्‍ना 3:2

मेरे पियारे भईयौ, अब हम परमेसर की औलाद हैं, मगर जौ अबी तक परकट ना भओ है कै हम का बनंगे। हम इतनो जानै हैं कै जब परमेसर को लौंड़ा परकट होगो, तौ हम बाके जैसेई हो जांगे, कैसेकै हम बाकै बैसेई देखंगे जैसो बौ है।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,