2 कुरन्‍थियों 4:14 - बुक्सा

¹⁴ कैसेकै हम जौ जानै हैं कै, जिसनै परभु ईसु कै जिन्‍दो करो है, बौई हमकै ईसु मै फिर सै जिन्‍दो करैगो, और तुमरे संग हमकै बी अपने सामने खड़ो करैगो।

2 कुरन्‍थियों 4:14 Mawu Ofanana

लूका 21:36

इसताँई जगते रैहऔ और हर टैम पिराथना करते रैहऔ, जिस्सै तुम इन सब आनै बारे संकटौ सै बचनै और भरोसे के संग आदमी के लौंड़ा के सामने खड़े होनै के लायक बन जाऔ।”

चेलौ के काम 2:24

पर बाई कै परमेसर नै मौत के हातौ सै छुटाकै जिन्‍दो करो। कैसेकै जौ होई ना सकै है कै ईसु मौत के बस मै रैह।

चेलौ के काम 2:32

“जाई ईसु कै परमेसर नै फिर सै जिन्‍दो करो, जिसके हम सबई गभा हैं।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

1 कुरन्‍थियों 6:14

और परमेसर नै अपनी सकति सै जिस तरै परभु ईसु कै जिन्‍दो करो, बैसेई हमकै बी जिन्‍दो करैगो।

2 कुरन्‍थियों 11:2

कैसेकै मैं तुमरे ताँई बैसेई फिकर करौ हौं जैसी परमेसर करै है। तुम एक पबित्‍तर कुँआरी के हाँई हौ, जिसकी सगाई मैंनै एकई आदमी संग करर खाई है, और बौ आदमी मसी है।

इफिसिऔ 5:27

कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्‍नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्‍तर और निरदोस हो।

कुलुसिऔं 1:22

पर अब परमेसर नै अपने लौंड़ा की मौत के दुआरा हमरो मेल अपने संग करो है, जिस्सै बौ तुमकै पबित्‍तर, बिना कलंक बारो और निरदोस बनाकै अपने सामने खड़ो करै,

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

1 थिसलुनीकियौ 4:14

अगर हम जौ बिसवास करै हैं कै ईसु मर गओ और फिर सै जिन्‍दो हो गओ है, तौ जो ईसु मै बिसवास करते भए मरे हैं उनकै परमेसर ईसु के संग बैसेई फिर सै बापस लेकै आगो।

याकूब 5:15

और बिसवास की पिराथना सै बेमार आदमी ठीक हो जागो और परभु बा बेमार कै उठाकै खड़ो करैगो। और अगर बानै पाप करे बी हौंगे तौ परभु उनकै बी माफ कर देगो।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,