2 कुरन्‍थियों 3:2 - बुक्सा

² हमरी चिट्‌ठी तौ तुम हौ, जो हमरे दिल मै लिखी भई है और बाकै सिगरे लोग जानै और पढ़ै हैं।

2 कुरन्‍थियों 3:2 Mawu Ofanana

रोमियो 1:8

पैले मैं तुम सबके ताँई ईसु मसी के दुआरा अपने परमेसर को धन्‍नबाद करौ हौं, कैसेकै तुमरे बिसवास की चरचा सैरी दुनिया मै फैल गई है।

1 कुरन्‍थियों 3:10

परमेसर के बा किरपा सै, जो मैंकै देओ गओ है। मैंनै समजदार राजमिस्तरी के हाँई नीह डारी, और दूसरो बामै लद्‍धा रखै है, पर हर एक आदमी चौकस रैह, कै बौ बामै कैसो लद्‍धा रखै है।

2 कुरन्‍थियों 11:11

मैंनै जौ बात काए बोली? का इसताँई कै मैं तुमसै पियार ना करौ हौं? पर परमेसर जानै है कै मैं तुमसै कितनो पियार करौ हौं।

2 कुरन्‍थियों 12:15

मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ?

2 कुरन्‍थियों 3:1

का हम फिर अपनी बड़ाई करल लगे हैं? या हमकै औरौं लोगौ के हाँई तुमसै सिपारिस की चिट्‌ठी लेनी और देनी पड़ंगी?

2 कुरन्‍थियों 7:3

मैं तुम लोगौ के ऊपर दोस लगानै के ताँई जौ सबई कुछ ना कैरओ हौं। पर मैंनै तौ तुमसै जौ बात पैले बी कैई ही कै तुम हमरे दिल मै ऐंसे बस गए हौ कै हम तुमरे संग जीनै के ताँई और मरनै के ताँई बी तईयार हैं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

1 थिसलुनीकियौ 1:8

कैसेकै तुमनै ना सिरप मकिदुनिया और अखाया देस मै परभु को बचन सुनाओ, पर जो बिसवास तुमरो परमेसर मै है बौ खबर हर जघै फैल गई। इसताँई हमकै कुछ कैनै की जरूरत ना है।