2 कुरन्‍थियों 2:3 - बुक्सा

³ और मैंनै जौ बात इसताँई लिखी कै कहीं ऐंसो ना हो जाय कै जब मैं आऔं तौ जिन लोगौ सै मैंकै खुसी मिलनी चँईऐ, कहीं बे मैंकै दुख दैं। कैसेकै मैंकै तुम सबई के ऊपर जा बात को पक्‍को बिसवास है कै जो मेरी खुसी है, बौई तुमरी बी खुसी है।

2 कुरन्‍थियों 2:3 Mawu Ofanana

1 कुरन्‍थियों 4:21

तुम का चाँहौ हौ? का मैं डन्डा लेकै तुमरे धौंरे आँऔं या पियार और कोमलता की आत्‍मा के संग आँऔं?

2 कुरन्‍थियों 1:15

मैंनै जाई बिसवास की बजै सै पैलेई तुमरे धौंरे आनै को पक्‍को मन बना लओ हो कै तुमकै एक और आसीस मिलै।

2 कुरन्‍थियों 1:23

परमेसर मेरो गभा है कै, मैं फिर सै कुरन्‍थी सैहर मै इसताँई ना आओ कै मैं तुमकै दुख ना पौंचा सकौं।

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 12:21

मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्‍नै पैले भौत पाप करो हो और उनके गंदे काम, कुकरम, लुचपन बारी जिन्‍दगी सै मन ना फिरानै की बजै सै मैंकै रोनो पड़ै।

2 कुरन्‍थियों 13:10

मैं तुमसै दूर होते भए बी तुमकै जे सब बात लिख रओ हौं कै जब मैं तुमरे धौंरे आंगो तौ मैंकै परभु के देए भए हक सै तुमरे संग कठोर बरताब कन्‍नो ना पड़ै। कैसेकै जौ हक मैंकै परभु नै देओ है बौ बिगाड़नै के ताँई ना पर तुमकै बढ़ानै के ताँई देओ है।

2 कुरन्‍थियों 2:9

मैंनै परखनै के ताँई जे बात तुमकै लिखी हीं कै तुम उनमै खरे लिकरौगे कै ना, और मेरी बातौं कै मानौगे कै ना।

2 कुरन्‍थियों 7:12

जब मैंनै जौ चिट्‌ठी लिखी, तौ जौ उन आदमिऔ की बजै सै ना लिखी ही जो दोसी हैं, और ना उनके ताँई जिनके ऊपर दोस लगाओ गओ है। पर इसताँई लिखी कै तुम लोग परमेसर के सामने जौ अच्‍छी तरै सै समज लो कै तुमकै मेरी कितनी फिकर है।

2 कुरन्‍थियों 7:16

मैंकै जा बात की खुसी है कै मैं तुमरे ऊपर भरोसो रख सकौं हौं।

2 कुरन्‍थियों 7:6

तौबी दुखौ मै तसल्‍ली दैनै बारे परमेसर नै तीतुस कै हमरे धौंरे भेजकै हमरी हिम्मत बढ़ा दई है,

2 कुरन्‍थियों 7:8

मैंनै अपनी चिट्‌ठी सै तुम लोगौ के दिल मै चोट पौंचाई है। पर फिर बी मैंकै जाकै लिखनै को कुछ दुख ना है। मैंकै तौ जौ देक्‍कै दुख भओ हो कै बा चिट्‌ठी नै तुम लोगौ कै थोड़े बखत के ताँई दुखी कर दओ हो।

2 कुरन्‍थियों 8:22

और हम तुमरे संग अपने एक भईया कै बी भेज रए हैं, जिसकै हमनै बेरमबेरा परखो है, और बौ तुमरी सायता कन्‍नै के ताँई भौत बेचैन है। पर अब बाकै तुमरे ऊपर बड़ो भरोसो है, इस बजै सै बौ तुमरी सायता कन्‍नै के ताँई भौत खुस है।

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

2 थिसलुनीकियौ 3:4

हमकै परभु मै तुमरे पक्‍के बने रैहनै मै बिसवास है कै जो जो हुकम हमनै तुमकै देए हैं, तुम उनकै मानौ हौ और मानते बी रैहईओ।

फिलेमौन 1:21

तेरे ऊपर बिसवास करते भए, मैं तेकै जौ लिख रओ हौं। मैं जानौ हौं कै तेसै मैं जितनो कैरओ हौं, तू उस्सै बी जादा करैगो।