2 कुरन्‍थियों 13:11 - बुक्सा

¹¹ हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

2 कुरन्‍थियों 13:11 Mawu Ofanana

मत्‍ती 1:23

कै, “देखौ एक कुँआरी कन्या गरब सै होगी और एक लौंड़ा कै जलम देगी और बाको नाम इम्मानुएल रक्‍खो जागो जिसको अरथ जौ है ‘परमेसर हमरे संग है।’”

मत्‍ती 5:48

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

मरकुस 10:49

तब ईसु रुको और बोलो, “उसकै मेरे धौंरे लाऔ।” और लोगौ नै उस अन्धे कै बुलाकै उस्सै कैई, “हिम्मत रख, खड़ो हो, बौ तेकै बुला रओ है।”

मरकुस 9:50

नौन अच्‍छो है, पर अगर बाको सबाद बिगड़ जाय, तौ तुम उसकै किस्सै नमकीन बनाऔगे? अपने आपकै नमकीन बनाए रक्‍खौ और आपस मै मेल-जोल रक्‍खौ।”

लूका 9:61

फिर एक और नै बी कैई, “हे परभु, मैं तेरे पीछे चलंगो पर पैले मैंकै अपने घर बारौं सै बिदा लैन दे।”

यहून्‍ना 17:23

मैं उनमै और तू मैंई मै है, कै बे पक्‍के होकै एक हो जांऐ, जिस्सै दुनिया जानै कै तैनै मैं भेजो और जैसे तैनै मैंसै पियार करो बैसोई उनसै बी पियार करो।

चेलौ के काम 15:29

“तुम बैबिचार ना करिओ और ना मूरतिऔं मै चढ़ाए भए चढ़ाबे कै खइओ और ना साँस गोट कै मारे भए जनाबर के मांस कै और खून कै ना खइओ। अगर तुम खुद कै इन बातौं सै बचाकै रखौगे तबई तुमरो भलो होगो, अग्गे अच्‍छो होए।”

चेलौ के काम 18:21

पर बानै ऐंसे कैई कै अगर परमेसर चाँहैगो तौ मैं फिर तुमरे धौंरे आंगो और बौ इफिसुस सै पानी के जिहाज सै चले गओ।

चेलौ के काम 23:30

और जब मैंकै पतो चलो कै उन्‍नै जाकै मारनै के ताँई सला बना लई है, तौ तबई मैंनै जाकै तुरन्‍तई तेरे धौंरे भेजो है। जो जाके ऊपर दोस लगानै बारे हैं, उनकै बी हुकम दओ कै बे तेरे सामने जाके ऊपर लगाए भए इलजाम कै साबित करैं।”

रोमियो 12:16

आपस मै मेल-जोल रक्‍खौ, घमंडी ना बनौ, बलकन कमजोर लोगौ के संग रैहऔ। अपने आपकै होसिआर ना समजौ।

रोमियो 12:18

जहाँ तक हो सकै, अपनी ओर सै सबके संग मिलजुलकै रैहऔ।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

रोमियो 15:33

सान्‍ति को परमेसर तुम सबके संग रैहए। ऐंसोई होए।

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

1 कुरन्‍थियों 1:10

अब हे भईयौ और बहनौ परभु ईसु मसी के नाम सै, मेरी तुम लोगौ सै जौ बिनती है। तुम सबई जनी एकई सोच रक्‍खौ और तुम्मै आपस मै फूट ना पड़ै, पर तुम एक मन होकै एक दूसरे सै मेल-जोल रखते भए रैहऔ।

2 कुरन्‍थियों 1:4

बौ हमरी हर एक मुसीबत मै हमकै तसल्‍ली देवै है, जिस्सै कै हम बी दूसरे लोगौ की हर एक मुसीबत मै बैसेई तसल्‍ली दैं जिस तरै परमेसर नै हमकै दई है।

2 कुरन्‍थियों 13:14

परभु ईसु मसी की किरपा और परमेसर को पियार और पबित्‍तर आत्‍मा को सात तुम सबई जनी के संग बनो रैह।

2 कुरन्‍थियों 13:9

जब हम कमजोर और तुम तगड़े हौ, तौ हमकै खुसी होवै है और पिराथना करै हैं कै तुम पक्‍के हो जाऔ।

इफिसिऔ 4:12

जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

इफिसिऔ 4:3

और सान्‍ति के संग एक दूसरे के संग बंधकै बा एकता कै बनाऐ रखनै की कोसिस करते रौह जिसकै पबित्‍तर आत्‍मा देवै है।

इफिसिऔ 6:23

पिता परमेसर और परभु ईसु मसी की ओर सै भईयौ कै सान्‍ति और बिसवास के संग पियार मिलै।

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

फिलिप्‍पीऔ 3:16

जिस सच्‍चाई तक हम पौंच चुके हैं, हमकै बाई मै चलतो रैहनो चँईऐ।

फिलिप्‍पीऔ 4:2

मैं योदिया और सन्‍तुखे दौनौ सै बिनती करौ हौं कै बे परभु मै एक जैसी सोच बनाऐ रक्‍खैं।

फिलिप्‍पीऔ 4:4

तुम लोग परभु मै हमेसा खुस रौह, मैं फिर कैबौ हौं, खुस रैहऔ।

फिलिप्‍पीऔ 4:9

जो बात तुमनै मैंसै सीकीं और पांई, और सुनीं और मैंकै करते देखो, उनई कै माने करौ। परमेसर जो सान्‍ति को सोता है तुमरे संग रैहगो।

1 थिसलुनीकियौ 3:10

हम रात-दिन पूरे दिल सै परमेसर सै जौ पिराथना करै हैं कै तुमकै देख सकैं। अगर तुमरे भीतर बिसवास की कुछ कमी है तौ बाकै पूरो करैं।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

1 थिसलुनीकियौ 4:18

इसताँई इन बातौं कै बतकाते भए एक दूसरे को हौसला बढ़ाऐ करौ।

1 थिसलुनीकियौ 5:13

और जो काम बे करै हैं उन कामौ की बजै सै पियार के संग उनकी खूब इज्‍जत करौ। और तुम सबई आपस मै मिलजुलकै रैहऔ।

1 थिसलुनीकियौ 5:16

हमेसा खुस रैहऔ।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

2 थिसलुनीकियौ 3:1

ओ भईयौ और बहनौ, अब जौ कै तुम हमरे ताँई पिराथना करौ कै परभु को बचन जल्दीई फैलै और बचन महिमा पाऐ जैसो तुमरे बीच मै भओ है।

2 थिसलुनीकियौ 3:16

अब परभु खुदई जो सान्‍ति को सोत है, तुमकै हर बखत मै हमेसा सान्‍ति दै। परभु तुम सबके संग रैह।

2 तीमुथियुस 2:22

जबानी की गलत इच्‍छा सै दूर भाज; और धारमिक जिन्‍दगी, बिसवास, पियार और सान्‍ति और उनके पिच्‍छे लगो रैह जो सुद्‍द मन सै परभु को नाम लेबै हैं।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

इबरानिओ 13:20

अब सान्‍ति दैनै बारे परमेसर जिसनै हमरे परभु ईसु कै जो भेड़ौ को अच्‍छो गड़रिया है, बाकै हमेसा के करारनामे के खून के दुआरा मरे भएऔं मै सै जिन्‍दो करो है

याकूब 1:4

पर सबर कै अपनो पूरो काम करन दो कै तुम पूरे और पक्‍के हो जाऔ और तुम्मै किसी बात की कमी ना रैह।

1 पतरस 3:11

बौ बुराई को सात छोड़ै, और भलाई करै और सान्‍ति कै ढूंड़नै मै लगो रैह और बाई मै चलै।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

परकासन 22:21

परभु ईसु की किरपा सबई के संग बनी रैह। ऐंसोई होए।