2 कुरन्‍थियों 12:9 - बुक्सा

⁹ पर परभु नै मैंसै कैई कै, “मेरी किरपा तेरे ऊपर भौत है कैसेकै कमजोरिऔं मैई मेरी सकति सबसै जादा है।” इसताँई मैं अपनी कमजोरिऔं के ऊपर खुसी के संग घमंड करौ हौं कै मसी की सकति मेरे भीतर है।

2 कुरन्‍थियों 12:9 Mawu Ofanana

मत्‍ती 28:18

फिर ईसु नै उनके धौंरे जाकै कैई, “सुरग और धरती को सैरो अधकार मैंकै देओ गओ है।

मत्‍ती 28:20

और जिन बातौं की आगियाँ मैंनै तुमकै दई है, उनकै उनमै चलनो सिकाऔ, और देखौ, मैं दुनिया के अन्‍त तक हमेसा तुमरे संग रैहंगो।”

लूका 21:15

कैसेकै मैं तुमकै ऐंसो बोल और बुद्‍धि दंगो, कै तुमरे सब बिरोदी तुमरो सामनो ना कर सकंगे और तुमरी बात कै काट बी ना सकंगे।

1 कुरन्‍थियों 10:13

जैसे तुमकै परखो गओ है बैसेई दूसरे लोगौ कै परखो गओ हो। परमेसर बिसवासजोग है बौ तुमकै तुमरी सैहन सकति सै बाहार परखनै के ताँई ना छोड़ैगो, बलकन परखनै के संग-संग बौ बासै बचनै की रस्ता बी दिखागो, जिस्सै तुम उस्सै गुजर सकौ।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

1 कुरन्‍थियों 2:3

मैं कमजोरी और डर डरकै थरथरातो भओ तुमरे संग रैहओ।

1 कुरन्‍थियों 2:5

जिस्सै कै तुमरो बिसवास आदमिऔ के बुद्‍धि के ऊपर ना पर परमेसर की सकति के ऊपर होए।

2 कुरन्‍थियों 11:30

अगर घमंड मैंकै कन्‍नोई है, तौ मैं अपनी कमजोरिऔं को घमंड करंगो।

2 कुरन्‍थियों 12:1

अपने ऊपर घमंड कन्‍नो मेरे ताँई अच्‍छी बात ना है पर फिर बी मैं परभु के दए भए दरसन और जो परभु नै परकट करो बाके ऊपर घमंड करौ हौं।

2 कुरन्‍थियों 12:10

कैसेकै मैं मसी की सेवा करौ हौं पर मैं कमजोरिऔं मै, बेजती मै, मुसीबतौं मै और सताब मै पूरी तरै खुस हौं। कैसेकै जब मैं कमजोर होबौ हौं तौ तबई मैंकै तागत मिलै है।

2 कुरन्‍थियों 12:15

मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ?

2 कुरन्‍थियों 12:5

ऐंसे आदमी के ऊपर मैं घमंड करंगो, मगर मैं खुद के ऊपर ना पर अपनी कमजोरिऔं के ऊपर घमंड करंगो।

इफिसिऔ 3:16

बौ अपने महिमा के धन सै अपनी आत्‍मा के दुआरा तुमरे भीतर की आत्‍मा कै मजबूत कन्‍नै के ताँई अपनी सकति दे।

फिलिप्‍पीऔ 4:13

मसी जो मैंकै तागत देवै है, मैं बाकी सायता सै सब कुछ कर सकौ हौं।

कुलुसिऔं 1:11

तुम परमेसर की महिमा की सकति के हिसाब सै हर तरै की सकति सै मजबूत होते जाऔ, जिस्सै कै तुम सब तरै के सबर कै दिखा सकौ और सैह सकौ।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

इबरानिओ 11:34

और आग की लपटौं कै सान्‍त करो और तरवार की धार सै बच लिकरे, कमजोर होते भए बी सकतिसाली बने और लड़ाई मै सकतिसाली बने और बिदेसिऔ की फौजौं कै भजा दओ।

इबरानिओ 4:16

इसताँई आऔ, हम बी बा किरपा के सिंगासन की ओर चलैं, जिस्सै कै हमकै जरूरत के बखत सायता कन्‍नै के ताँई दया मिलै।