2 कुरन्‍थियों 12:20 - बुक्सा

²⁰ कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्‍छा, चुगली, घमंड, और नियम सई ना मिलै।

2 कुरन्‍थियों 12:20 Mawu Ofanana

रोमियो 1:29

इसताँई बे सब तरै के अधरम और बुराई, लालच, दुसट कामौ सै भर गए। और बे जरन, कतल, लड़ाई, छल और नफरत सै भर गए, और चुगलखोर।

रोमियो 1:30

दूसरौं कै बुरी बातौं सै बदनाम कन्‍नै बारे, परमेसर सै नफरत कन्‍नै बारे, दूसरौं की बेजती कन्‍नै बारे, घमंडी, डींगमार, बुरे-बुरे कामौ कै ढूंड़नै बारे, अईया-अब्बा की आगियाँ ना माननै बारे।

रोमियो 2:8

और जो लोग मतलबी हैं, सच्‍चाई कै ना मानै हैं पर बुराई मै चलै हैं, इनके ऊपर परमेसर की घुस्सा और कोप पड़ैगो।

1 कुरन्‍थियों 1:11

हे भईयौ और बहनौ, मैंकै खलोए के टब्बर सै पतो लगो है कै तुम लोगौ के बीच मै लड़ाई चल रई हैं।

1 कुरन्‍थियों 14:33

कैसेकै परमेसर गड़बड़ी कन्‍नै बारो ना पर सान्‍ति दैनै बारो परमेसर है, जैसो कै परमेसर के लोगौ की सब बिसवासिऔ की मंडलिऔ मै होवै है।

1 कुरन्‍थियों 5:2

का तुमकै जा बात को दुख बिलकुल ना है। तुमरे बीच मै ऐंसे बुरे काम कन्‍नै बारौ कै बाहार लिकान्‍नै की बजाए तुम घमंड करौ हौ।

2 कुरन्‍थियों 1:23

परमेसर मेरो गभा है कै, मैं फिर सै कुरन्‍थी सैहर मै इसताँई ना आओ कै मैं तुमकै दुख ना पौंचा सकौं।

2 कुरन्‍थियों 10:2

मेरी तुमसै जौ बिनती है कै जब मैं तुमरे धौंरे आंगो तौ मैंकै कठोर बन्‍नै के ताँई मजबूर मत करिओ, कैसेकै जो लोग समजै हैं कै हम दुनिया के लोगौ के हाँई बरताब करै हैं, तौ मैं उनकै कठोर बनकै दिखांगो।

2 कुरन्‍थियों 10:6

और जब तुम पूरी तरीका सै हुकम माननै बारे बन जाऔ तौ तबई जो हुकम ना मानै हैं उनकै सजा दैनै के ताँई तईयार रौह।

2 कुरन्‍थियों 12:21

मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्‍नै पैले भौत पाप करो हो और उनके गंदे काम, कुकरम, लुचपन बारी जिन्‍दगी सै मन ना फिरानै की बजै सै मैंकै रोनो पड़ै।

2 कुरन्‍थियों 13:2

जब मैं दूसरी दफै तुमरे संग हो तौ मैंनै तुमकै चितौनी दई ही, और जब अब मैं तुमसै दूर हौं तौ मैं तुमकै फिर चितौनी देवौ हौं कै, अगर मैं फिर तुमरे धौंरे आंगो तौ जिन्‍नै पाप करो और जो पाप करते रैहबैं हैं, उनकै और बाकी के दूसरे लोगौ कै बी ना छोड़ंगो।

2 कुरन्‍थियों 2:1

इसताँई मैंनै अपने मन मै जौ बात को फैसला कर लओ कै अब मैं फिर सै तुमरे धौंरे दुख दैनै ना आंगो।

गलातिऔ 5:15

पर अगर तुम आपस मै जंगली जनाबरौ के हाँई काठौ और एक दूसरे कै फाड़ौ तौ चौकस रौह, कहीं ऐंसो ना होए कै तुम आपस मै खतम हो कै नास हो जाऔ।

गलातिऔ 5:26

ना हम घमंडी बनैं और ना एक दूसरे कै चिड़ाऐ और नाई आपस मै जरन रक्‍खैं।

याकूब 4:11

हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।

1 पतरस 2:1

इसताँई तुम अपनी हर तरै की बुराई, चालाँकी, कपट, जरन और बदनामी सै दूर रैहते भए,

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।