2 कुरन्‍थियों 12:14 - बुक्सा

¹⁴ सुनौ, मैं अब तीसरी दफै तुमरे धौंरे आनै के ताँई तईयार हौं। पर मैं तुमरे ऊपर किसी बी बात के ताँई बोज ना बनंगो। मैं तुमरी दौलत कै ना पर तुमकै चाँहौ हौं। कैसेकै औलाद सै जौ उमीद ना करी जावै है कै बे अईया-अब्बा के ताँई कमाऐं पर औलाद के ताँई अईया-अब्बा कमाबै हैं।

2 कुरन्‍थियों 12:14 Mawu Ofanana

चेलौ के काम 20:33

मैंनै कबी बी किसी के सौने, चाँदी और लत्‍तौ को लालच ना करो।

1 कुरन्‍थियों 10:24

तुम अपने ताँई फिकर काए करौ हौ, पर दूसरौं की भलाई के ताँई बी सोचौ।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 11:34

अगर किसी कै भूँक लगै है, तौ बौ अपने घर सै खाकै आय। जिस्सै कै तुम सबई को इखट्‍टो होनो तुमरे ताँई सजा की बजै ना बनै। बाकी की बातौं कै मैं आकै ठीक करंगो।

1 कुरन्‍थियों 16:5

मैं मकिदुनिया जिला होकै तुमरे धौंरे आंगो, कैसेकै मैंकै मकिदुनिया होते भए जानो बी है।

1 कुरन्‍थियों 4:19

अगर परभु की मरजी भई तौ मैं तुमरे धौंरे जल्दीई आंगो और उन घमंडी लोगौ की बातौंई को ना पर उनकी सकति को बी पतो लगांगो।

1 कुरन्‍थियों 9:12

जब दूसरे लोग कुछ पानै को हक रक्‍खै हैं, तौ का हमरो हक उन लोगौ सै जादा ना है? फिर बी हमनै इस हक को फाएदा ना उठाओ। उल्टा, हम मसी की अच्‍छी खबर के परचार मै कोई रुकाबट ना डारै हैं। इसताँई हम हर तरै सै दुख सैहबैं हैं।

1 कुरन्‍थियों 9:18

तौ फिर मेरी डिहाड़ी किस चीज मै है? जामै है कै जब मैं किसी सै बिना कुछ लेए भए मसी की अच्‍छी खबर को परचार करौ हौं, और अच्‍छी खबर सुनानै मै जो कुछ मेरो पानै को हक है, बाको फाएदा मैं ना उठामौ हौं।

1 कुरन्‍थियों 9:19

कैसेकै मैं किसी बी आदमी को बन्धुआ ना हौं, फिर बी मैंनै खुद कै सबई को गुलाम बना लओ है। जिस्सै कै मैं भौस्से लोगौ कै मसी के ताँई जीत सकौं।

2 कुरन्‍थियों 1:15

मैंनै जाई बिसवास की बजै सै पैलेई तुमरे धौंरे आनै को पक्‍को मन बना लओ हो कै तुमकै एक और आसीस मिलै।

2 कुरन्‍थियों 11:9

पर जब मैं तुमरे संग हो और जब्बी मैंकै किसी चीज की जरूरत पड़ी तौ बाके ताँई मैं किसी के ऊपर बोज ना बनो। कैसेकै जो भईया लोग मकिदुनिया मुलक सै आए हे उन्‍नै मेरी जरूरत कै पूरो करो। मैंनै हर एक बात मै खुद कै तुमरे ऊपर बोज ना बनन दओ और ना बन्‍नै दंगो।

2 कुरन्‍थियों 12:13

तुम कुछ बी काम मै दूसरे बिसवासिऔ की मंडलिऔ सै कम ना हे। सिरप जाके कै मैं पैसौ की बजै सै तुमरे ऊपर बोज ना बन्‍नो चाँहै हो। और जा अनियाय की बजै सै मैंकै माफ करौ।

गलातिऔ 4:19

ओ मेरे बालकौ, जब तक तुम मसी हाँई ना बन जाऔ, तब तक मैं बा बईयर के हाँई बैसो दरद सैहतो रैहंगो जो बालक जननै के बखत होवै है।

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

फिलिप्‍पीऔ 4:17

मैं ऐंसो इसताँई ना कैरओ हौं कै मैं दान को भूँको हौं, पर मैं तौ ऐंसो चाँहौ हौं, कै तुमरो फाएदा होतो रैह।

1 थिसलुनीकियौ 2:11

तुम जानौ हौ कै जैसो अब्बा अपने बालकौ के संग बरताब करै है, बैसोई हमनै बी तुमरे संग करो।

1 थिसलुनीकियौ 2:8

तुमरे ताँई हमरो पियार और लगाब इत्‍तो बढ़ गओ हो कै हम परमेसर की अच्‍छी खबर के संग-संग अपनी जान बी दैनै के ताँई तईयार हे, कैसेकै तुम हमरे खास हो गए हौ।