2 कुरन्‍थियों 12:12 - बुक्सा

¹² एक सई भेजे भए चेला की सिगरी खूबी कै, मैंनै सबर के संग, चिन्‍न, बड़े-बड़े काम और सकति बारे काम कै तुमरे बीच मै दिखाओ है।

2 कुरन्‍थियों 12:12 Mawu Ofanana

यहून्‍ना 4:48

ईसु नै उस्सै कैई, “जब तक तुम चिन्‍न और चमत्कार ना देखौगे तब तक बिसवास ना करौगे।”

1 कुरन्‍थियों 14:18

मैं परमेसर को धन्‍नबाद करौ हौं कै, मैं तुम सबई सै जादा दूसरी दूसरी भासाऔ मै बोलौ हौं।

2 कुरन्‍थियों 11:4

कैसेकै अगर कोई आदमी आकै तुमकै ईसु मसी के परचार के अलाबा किसी और ईसु के बारे मै सिकाऐ या तुमकै कोई और आत्‍मा मिलै है, जो पैले ना मिली ही, तुमरे दुआरा अपनाई गई अच्‍छी खबर सै बी अगल अच्‍छी खबर सुनाऐ, तौ तुम बड़े अच्‍छे सै बा आदमी को सुआगत करौ हौ।

2 कुरन्‍थियों 11:6

मानौ हौं कै मैं बोलनै मै अनाड़ी हौं पर मेरो गियान कम ना है। हर तरै सै सिगरी बातौं मै हमनै जौ साप-साप बता दओ है।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।