2 कुरन्‍थियों 12:11 - बुक्सा

¹¹ मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 12:11 Mawu Ofanana

लूका 17:10

तुमरे संग बी ऐंसोई है। जो कुछ तुमसै कन्‍नै कै कैओ गओ है, उसकै कन्‍नै के बाद तुमकै कैनो चँईऐ, ‘हम तौ नौकर हैं’ हम किसी बड़ाई के हकदार ना हैं। हमनै तौ बस अपनो फरज पूरो करो है।”

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

1 कुरन्‍थियों 3:22

फिर चाँहे बौ पौलुस हो, या अपोलुस हो या पतरस हो, चाँहे बौ दुनिया हो, या जिन्‍दगी हो या मौत हो, चाँहे जे आज की बात हौं या कल की सबई कुछ तुमरोई है।

2 कुरन्‍थियों 1:6

अगर हम दुख झेलै हैं, तौ बौ तुमरी सायता और मुक्‍ति के ताँई है, और अगर हमकै तसल्‍ली मिलै है। तौ जौ तुमरी तसल्‍ली के ताँई है, और बाईके असर की बजै सै तुम सबर के संग दुख कै सैह लेबौ हौ, जिसकै हम बी सैहबैं हैं।

2 कुरन्‍थियों 11:1

अगर तुम मेरी थोड़ी सी बेबकूफी सैह लो तौबी कुछ अच्‍छो तौ होतो, पर तुम पैलेई सै सैह बी रए हौ।

2 कुरन्‍थियों 11:5

तुम जिनकै बड़ो भेजो भओ चेला समजौ हौ, उनसै मैं खुद कै कम ना समजौ हौं।

2 कुरन्‍थियों 12:12

एक सई भेजे भए चेला की सिगरी खूबी कै, मैंनै सबर के संग, चिन्‍न, बड़े-बड़े काम और सकति बारे काम कै तुमरे बीच मै दिखाओ है।

2 कुरन्‍थियों 12:6

अगर मैं घमंड कन्‍नै की सोचौ बी हौं तौ बेबकूफ ना बनंगो। कैसेकै मैं सच बोलंगो, पर मैं खुद कै रोके रैहबौं हौं। कहीं ऐंसो ना होए कै कोई बी मैंकै देखै या सुनै, बौ मेरे बारे मै जादा बढ़कै ना सोचल लगै।

2 कुरन्‍थियों 3:1

का हम फिर अपनी बड़ाई करल लगे हैं? या हमकै औरौं लोगौ के हाँई तुमसै सिपारिस की चिट्‌ठी लेनी और देनी पड़ंगी?

2 कुरन्‍थियों 5:13

कैसेकै अगर हम पागल के हाँई दिखाई देवै हैं तौ परमेसर के ताँई, और अगर समजदार हैं तौ बौ तुमरे ताँई हैं।

गलातिऔ 6:3

कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।