2 कुरन्‍थियों 11:29 - बुक्सा

²⁹ अगर कोई कमजोर है, तौ मैं बी कमजोर हौं। जब कोई पाप मै पड़ै है, तौ मैंकै बेसानी दुख होवै है।

2 कुरन्‍थियों 11:29 Mawu Ofanana

मत्‍ती 11:6

और धन्‍न है बौ, जो मेरे ऊपर बिसवास करै है।”

यहून्‍ना 2:17

तब उसके चेलौ कै याद आई कै पबित्‍तर सास्तर मै लिखो है, “तेरे घर के ताँई मेरो पियार मैंकै खा जागो।”

रोमियो 12:15

जो खुस हैं, उसके संग खुस रैहऔ। और जो रोबैं हैं, उनके संग रोओ।

रोमियो 15:1

हम जो बिसवास मै पक्‍के हैं तौ हमकै उन लोगौ की बात सैहनी चँईऐ जो बिसवास मै कमजोर हैं। ना कै अपने आपकै खुस कन्‍नो चँईऐ।

1 कुरन्‍थियों 11:22

का तुमरे धौंरे खानै पीनै के ताँई घर ना है? और तुम परमेसर के बिसवासिऔ की मंडली कै नीचो दिखाबौ हौ, और जिनके धौंरे खानै के ताँई कुछ बी ना है उनकै तुम सरम महसूस करबाबौ हौ? अब मैं तुमसै का कैंऔ? का मैं तुमरी बड़ाई बतकाऔं? इन बातौं मै मैं तुमरी बड़ाई ना करंगो।

1 कुरन्‍थियों 12:26

इसताँई अगर सरीर के एक अंग मै चोट लगै है, तौ बाके संग-संग सिगरे अंगौ मै बी दरद होवै है, और अगर सरीर के एक अंग कै इज्‍जत मिलै है तौ बाके संग बाकी के सिगरे अंगौं कै बी खुसी होवै है।

1 कुरन्‍थियों 15:36

ऐ मूरख तू ना जानै है, जो कुछ तू खेत मै बोबै है, जब तक बौ मर ना जावै है, तब तक फिर सै जिन्‍दो ना होवै है।

1 कुरन्‍थियों 8:13

इसताँई अगर मेरो खानो मेरे भईया के ताँई पाप की बजै बनै है, तौ मैं फिर कबी मांस ना खांगो, कहीं ऐंसो ना होए कै मैं अपने भईया के ताँई पाप की बजै बन जाऔ।

1 कुरन्‍थियों 8:9

पर जा बात को धियान रक्‍खौ कै तुमरी आजादी कमजोर लोगौ के ताँई पाप की बजै ना बनै।

1 कुरन्‍थियों 9:22

और जो कमजोर हैं, उनके ताँई मैं कमजोर बनो कै मैं उनकै जीत सकौं। मैं सबके ताँई सबई कुछ बन गओ, जिस्सै कै मैं किसी ना किसी तरै सै कुछ लोगौ कै मुक्‍ति दिब्बा सकौं।

2 कुरन्‍थियों 13:9

जब हम कमजोर और तुम तगड़े हौ, तौ हमकै खुसी होवै है और पिराथना करै हैं कै तुम पक्‍के हो जाऔ।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”

गलातिऔ 6:2

एक दूसरे को बोज उठाऔ और ऐंसे तुम मसी के नियमौ कै पूरो करौ हौ।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।