2 कुरन्‍थियों 11:15 - बुक्सा

¹⁵ इसताँई अगर सैतान के सेवक बी, परमेसर के सेवकौ के हाँई रूप धर लैं तौ जामै का बड़ी बात है? पर आखरी मै उनको नास उनके कामौ के हिसाब सै होगो।

2 कुरन्‍थियों 11:15 Mawu Ofanana

चेलौ के काम 13:10

“ओ धोको, कपट कन्‍नै बारे सैतान की औलाद, तू सिगरे अच्‍छे काम को दुसमन है। का तू परभु के सच्‍चाई के कामौ कै बिगाड़नो ना छौड़ैगो?

रोमियो 2:6

परमेसर हर एक कै उनके कामौ के हिसाब सै फल देगो।

रोमियो 3:8

“अगर ऐंसी बात है, तौ हम बुराई काए ना करैं, जिस्सै भलाई पैदा हो?” हम ऐंसी बात कैह रए हैं, जौ बोलकै कुछ लोग हमरे ऊपर दोस लगाबै हैं और हमरी बेजती करै हैं, और इन लोगौ कै जैसी सजा मिलनी चँईऐ, बैसेई सजा इनकै मिलैगी।

1 कुरन्‍थियों 9:11

अगर हमनै तुमरे ताँई आत्‍मिक बीज बोए, तौ का जौ कोई बड़ी बात है, कै हमकै तुमरी चीजौ मै सै अपनी जरूरतौं की चीज तुमसै मिलै।

2 कुरन्‍थियों 11:13

इसताँई ऐंसे भेजे भए चेला ढौंगी हैं और धोको दैनै बारे हैं। जो मसी की अच्‍छी खबर कै सुनानै को ढौंग करै हैं।

2 कुरन्‍थियों 11:23

का बेई मसी के सेवक हैं? पर एक पागल आदमी के हाँई मैं जौ कैबौ हौं कै मैं तौ उनसै बी बड़ो मसी को सेवक हौं। मैंनै भौत मैहनत करी, और बेरमबेरा जेल मै बी गओ, और मैंकै बेरमबेरा बेसानी पीटो, और मेरो कई दफै मौत सै सामनो बी भओ है।

2 कुरन्‍थियों 3:9

कैसेकै जब दोसी ठैरानै बारो नियम इत्‍तो चमक बारो हो तौ धरमी ठैरानै बारो नियम और बी जादा चमक बारो काए ना होगो?

इफिसिऔ 6:12

कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्‍मिक सैना सै है जो आसमान मै है।

फिलिप्‍पीऔ 3:19

उनको अन्‍त नास है, और उनको पेटई उनको परमेसर है, और बे अपनी बेजती की बातौं मै घमंड करै हैं, और दुनिया की चीजौ मै मन लगाए रैहबैं हैं।

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

परकासन 13:14

और उन चमत्कार के चिन्‍नौ के कारन, जिनकै उस जनाबर के सामने दिखानै को अधकार बाकै देओ गओ हो, बौ धरती मै रैहनै बारौं कै इस तरै बैहकाबै हो, कै धरती मै रैहनै बारौं जिस जनाबर के तरवार लगी ही, बौ जिन्‍दो हो गओ है, उसकी मूरती बनाऔ।

परकासन 13:2

और मैंनै जो जनाबर देखो हो, बौ चीता के जैसो हो, उसके पाँऐ भालू के पाँऐ जैसे हे और बाको मौह सेर के मौह के जैसो हो। उस बड़े अजगर नै अपनी सकति, अपनो सिंगासन और अपनो सिगरो अधकार उसकै दे दओ।

परकासन 9:11

पाताल कुन्ड को दूत उनको राजा हो, इबरानी भासा मै उसको नाम अबदोन और यूनानी भासा मै बौ अपुलयोन यानी “नास कन्‍नै बारो” कैलाबै है।