2 कुरन्‍थियों 10:8 - बुक्सा

⁸ कैसेकै अगर मैं जा हक के बारे मै घमंड करौं जो परभु नै तुमरे नास के ताँई ना पर तुमरे आत्‍मिक रूप कै बढ़ानै के ताँई दओ है, तौ बाके ताँई मैं सरमिन्‍दा ना हौंगो।

2 कुरन्‍थियों 10:8 Mawu Ofanana

2 कुरन्‍थियों 1:24

और जाको मतलब जौ ना है कै, हम तुमरे बिसवास के ऊपर हक पानो चाँहै हैं। तुम तौ अपने बिसवास मै मजबूत हौ, पर हम तुमरे संग काम करकै तुमकै खुसी देनी चाँहै हैं।

2 कुरन्‍थियों 10:4

कैसेकै जिन हतियारौं सै हम लड़ै हैं, बे जा दुनिया के ना हैं पर किलौ कै ढै दैनै बारे, परमेसर की सकति बारे हतियार हैं।

2 कुरन्‍थियों 10:9

और मैं जौ ना चाँहौ हौं कै तुमकै ऐंसो लगै कै मैं तुमकै डरानै के मकसद सै जौ चिट्‌ठी लिख रओ हौं।

2 कुरन्‍थियों 12:19

का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है।

2 कुरन्‍थियों 12:6

अगर मैं घमंड कन्‍नै की सोचौ बी हौं तौ बेबकूफ ना बनंगो। कैसेकै मैं सच बोलंगो, पर मैं खुद कै रोके रैहबौं हौं। कहीं ऐंसो ना होए कै कोई बी मैंकै देखै या सुनै, बौ मेरे बारे मै जादा बढ़कै ना सोचल लगै।

2 कुरन्‍थियों 13:10

मैं तुमसै दूर होते भए बी तुमकै जे सब बात लिख रओ हौं कै जब मैं तुमरे धौंरे आंगो तौ मैंकै परभु के देए भए हक सै तुमरे संग कठोर बरताब कन्‍नो ना पड़ै। कैसेकै जौ हक मैंकै परभु नै देओ है बौ बिगाड़नै के ताँई ना पर तुमकै बढ़ानै के ताँई देओ है।

2 कुरन्‍थियों 13:8

कैसेकै हम सच्‍चाई के खिलाप कुछ ना कर सकै हैं, पर हम जो कुछ करै हैं बौ सच्‍चाई के ताँई करै हैं।

2 कुरन्‍थियों 7:14

मैंनै तुमरे बारे मै तीतुस के सामने जो कुछ घमंड के संग बोलो है, बाके ताँई मैंकै सरम सै खोपड़ी नीचे कन्‍नी ना पड़ी है। पर जैसो हमनै तुमसै सबई कुछ सच-सच कैओ हो, तौ बैसेई हमरो घमंड बी जो तीतुस के सामने दिखाओ हो बौ सच लिकरो।

2 कुरन्‍थियों 7:4

मैंकै तुमरे ऊपर भरोसो बी है और घमंड बी है। कैसेकै हमरे दुख और परेसानी मै बी तुमनै हमकै हिम्मत दई और भौस्सी खुसी बी दई।

गलातिऔ 1:1

गलातिया के बिसवासिऔ की मंडलिऔ कै मैं पौलुस की ओर सै और मेरे संगी बिसवासी भईयौ और बहनौ की ओर सै जौ चिट्‌ठी लिख रओ हौं। मैं ना तौ किसी आदमी की ओर सै और ना लोगौ की ओर सै भेजो भओ हौं, पर ईसु मसी और पिता परमेसर के दुआरा भेजो भओ चेला हौं। और पिता परमेसर नै मसी ईसु कै मरे भएऔं मै सै जिन्‍दो करो।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।