2 कुरन्‍थियों 10:5 - बुक्सा

⁵ और इनई हतियारौं सै हम लोगौ के बिरोद और घमंड की सोचकै खतम करै हैं, जो परमेसर के गियान के खिलाप उठै हैं, और हर एक सोचकै कैद करकै मसी की आगियाँ माननै बारी बना देवै हैं।

2 कुरन्‍थियों 10:5 Mawu Ofanana

मत्‍ती 15:19

कैसेकै बुरे बिचार, कतल, पराई बईयर के संग गलत काम और जुलम, चोरी, झूँटी गभाई और चुगली जे सब मन सैई लिकरै हैं।

लूका 1:51

उसनै अपने हातौ की सकति दिखाई, और जो अपने आपकै बड़ो समजै हे, बे तितर बितर कर दए।

रोमियो 1:21

कैसेकै उनौनै परमेसर कै जानते भए बी परमेसर लायक बड़ाई और धन्‍नबाद ना करो, पर बेकार बात सोचल लगे, बे मूरख बन गए और उनकी बुद्‍धि भरस्ट हो गई।

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

रोमियो 7:23

पर मैं अपने सरीर मै दूसरे नियम कै काम करते देखौ हौं जौ मेरी मन के नियम सै लड़ाई करै है, और जो मैंकै पाप के नियम सै बांध लेबै है जो मेरे सरीर मै है।

1 कुरन्‍थियों 1:19

कैसेकै पबित्‍तर सास्तर मै लिखो है, “मैं गियानी लोगौ के बुद्‍धि कै खतम कर दंगो और समजदार लोगौ की समजकै बेकार कर दंगो।”

1 कुरन्‍थियों 3:19

कैसेकै जा दुनिया की बुद्‍धि परमेसर के नजरौ मै मूरखता के हाँई है, जैसो पबित्‍तर सास्तर मै लिखो है कै, “परमेसर गियानी लोगौ कै उनकी चालाँकी मै फसा देवै है।”

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।

2 कुरन्‍थियों 9:13

तुमरो जौ सेवा को काम देक्‍कै बे परमेसर की बड़ाई करंगे कैसेकै तुम ईसु मसी की अच्‍छी खबर के हिसाब से चलौ हौ और बाके आधीन रैहबौ हौ और जो तुम परमेसर के लोगौ के ताँई और सबई के ताँई दान देवौ हौ, तौ बे जाके ताँई परमेसर को धन्‍नबाद करै हैं।

फिलिप्‍पीऔ 4:7

तब परमेसर की ओर सै मिलनै बारी सान्‍ति, जिसकै आदमी समजई ना सकै है, बौई सान्‍ति तुमरे दिल और तुमरे दिमाक कै मसी ईसु मै समार कै रखैगी।

2 थिसलुनीकियौ 2:4

बौ देबताऔ और सिगरी पूजनै की चीजौ को बिरोद करैगो और खुद कै बड़ो ठैरागो और बौ परमेसर के मन्‍दर मै बैठकै खुद कै परमेसर कैगो।

2 थिसलुनीकियौ 2:8

तबई बौ दुसट आदमी परकट होगो। पर जब परभु ईसु फिर सै आगो तौ बौ बाकै अपनी मौह की फूँक सै मार देगो और अपनी जोती की चमक सै बाकै भसम कर देगो।

इबरानिओ 4:12

कैसेकै परमेसर को बचन जिन्‍दो और सकतिसाली है और बौ दोधारी पैनी भई तरवार सै बी जादा पैनो है। बौ पिरान, आत्‍मा और जोड़ौ और गूदा कै अगल करकै आर पार छेदै है और हमरे दिल की बातौं और इच्‍छाऔं कै जानै है।

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।