2 कुरन्‍थियों 1:20 - बुक्सा

²⁰ कैसेकै परमेसर नै जितने बादे करे हैं। बे सिगरे मसी मै हाँ के संग हैं, और मसी के दुआरा जो हम “आमीन” करै हैं। बौ परमेसर की बड़ाई के ताँई है।

2 कुरन्‍थियों 1:20 Mawu Ofanana

मत्‍ती 6:13

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

लूका 2:14

“सुरग मै परमेसर की जै हो और धरती मै उन लोगौं कै सान्‍ति मिलै जिस्सै बौ खुस है।”

यहून्‍ना 1:17

कैसेकै नियम मूसा दुआरा देए गए, पर किरपा और सच्‍चाई तौ ईसु मसी के दुआरा मिली है।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 3:5

ईसु नै जबाब देओ, “मैं तुमसै सच-सच कैरओ हौं, जब तक कोई आदमी पानी और आत्‍मा सै ना जलमै तब तक बौ परमेसर के राज मै ना जा सकै है।

रोमियो 11:36

कैसेकै सब कुछ बनानै बारो बौई है। उसई सै सब कुछ टिको है और बौ उसई के ताँई है। उसकी महिमा हमेसा होती रैह! ऐंसोई होए।

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

1 कुरन्‍थियों 14:16

पर अगर तू आत्‍मा सै धन्‍नबाद करैगो, तौ फिर सीदो सादो आदमी तेरे धन्‍नबाद मै “आमीन” कैसे बोलंगे? कैसेकै बे तौ ना जानै हैं कै तू का कैबै है?

2 कुरन्‍थियों 4:15

जे सिगरी चीज तुमरेई ताँई हैं और जैसे परमेसर की किरपा जादा सै जादा लोगौ मै फैलती जागी बैसेई बे परमेसर की महिमा की बजै सै बाकै जादा सै जादा धन्‍नबाद दंगे।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

गलातिऔ 3:22

पर पबित्‍तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्‍नै के दुआरा दओ जावै है, बौ बिसवास कन्‍नै बारौ कै मिलै।

इफिसिऔ 1:6

परमेसर की महिमा सै भरी भई किरपा की बड़ाई हो, और बौ किरपा हमकै बाके लौंड़ा के दुआरा मिली है जिस्सै बौ पियार करै है।

इफिसिऔ 2:7

कै बौ हमरे ऊपर अपनी बा दया सै जो ईसु मसी मै है, आनै बारे बखत मै अपने किरपा के धन कै दिखाऐ।

कुलुसिऔं 1:27

परमेसर उनकै दिखानो चाँहै है कै गैर यहूदी लोगौ मै महिमा की गुप्‍त बात का है? और बौ जौ है कै, मसी जो महिमा की आस है बौ तुमरे भीतर रैहबै है।

2 थिसलुनीकियौ 1:10

जौ बा दिन होगो जब बाकै अपने पबित्‍तर लोगौ की ओर सै महिमा मिलैगी, और सिगरे बिसवास कन्‍नै बारे लोग बाकी इज्‍जत करै हैं। तुम बी जामै सामिल हौ, कैसेकै तुमनै हमरी गभाई मै बिसवास करो है।

इबरानिओ 11:13

जिन चीजौ को बादो करो गओ हो, बौ इन सबई लोगौ कै ना मिलो। पर उनौनै उनकै दूर सैई देखो और उनको सुआगत करो और जौ मान लओ कै हम जा धरती मै परदेसी और अनजाने हैं, जे सिगरे लोग बिसवास करते भए मर गए।

इबरानिओ 13:8

ईसु मसी कल और आज और हमेसा एक जैसो है।

इबरानिओ 7:6

पर मलकीसदेक लेबी गोत को ना हो, तब्बी बानै इब्राहिम सै दसमो हिस्सा लओ और बाकै आसीरबाद दओ, जिसके संग परमेसर नै बादो करर खाओ हो।

1 पतरस 1:12

सुरग सै भेजो गओ पबित्‍तर आत्‍मा के दुआरा अच्‍छी खबर सुनानै बारौ नै अब तुमकै जौ अच्‍छी खबर सुनाई कै जब भबिसबानी कन्‍नै बारौ नै जा अच्‍छी खबर के बारे मै परचार करो तौ परमेसर नै उनके ऊपर जौ बात परकट करी कै बे खुद की सेवा के ताँई ना पर तुमरी सेवा के ताँई कर रए हैं। और इन बातौं कै जान्‍नै के ताँई सुरगदूत तरसै हैं।

1 यहून्‍ना 5:11

और बौ गभाई जौ है कै, परमेसर नै अपने लौंड़ा के दुआरा हमकै हमेसा की जिन्‍दगी दई है और जौ जिन्‍दगी बाके लौंड़ा मै है।

परकासन 3:14

“लौदीकिया के बिसवासिऔ की मंडली के सुरगदूत कै जौ लिख, “जो आमीन और बिसवासजोग और सच्‍चो गभा है और बाईके दुआरा परमेसर नै सब कुछ बनाओ, बौ जौ कैबै है कै,

परकासन 7:12

“आमीन, हमरे परमेसर की बड़ाई और महिमा, गियान, धन्‍नबाद, आदर, जोर और सकति युगौं-युगौं तक बनी रैह। ऐंसोई होए।”