1 तीमुथियुस 4:3 - बुक्सा

³ ऐंसे लोग बिहा कन्‍नै के ताँई मनैह करै हैं और खानै पीनै बारी चीजौ कै बी मनैह करै हैं। जिनकै परमेसर नै बनार खाओ है। पर जिन बिसवासी लोगौ कै सच्‍चाई को पतो है, तौ बे बा खानै कै धन्‍नबाद देकै खाँय।

1 तीमुथियुस 4:3 Mawu Ofanana

मत्‍ती 14:19

तब ईसु नै लोगौ कै घाँस मै बैठनै को आदेस दे दओ, और बे पाँच रोटी और दो मच्‍छी लंई, और सुरग की ओर आँख उठाकै आसीस की पिराथना करी और रोटी तोड़-तोड़कै चेलौ कै दंई, और चेलौ नै लोगौ कै।

मत्‍ती 15:11

जो मौह मै जावै है बौ आदमी कै असुद्‍द ना करै है, पर जो मौह सै बाहार लिकरै है, बौई आदमी कै असुद्‍द करै है।”

मत्‍ती 15:36

और ईसु नै बे सात रोटी और मच्‍छी लेकै धन्‍नबाद करकै तोड़ीं और अपने चेलौ कै देतो गओ और चेला लोगौ कै।

लूका 24:30

जब बौ उनके संग रोटी खानै बैठो, और बानै रोटी लेकै परमेसर को धन्‍नबाद करो, और उसकै तोड़कै उनकै देल लगो।

यहून्‍ना 6:23

तबई तिबिरियास झील के धौंरे कुछ छोटी किसती बा जघै के धौंरे आँई, जहाँ परभु ईसु की धन्‍नबाद की पिराथना के बाद आदमिऔ नै रोटी खाई ही।

चेलौ के काम 27:35

जौ बात कैनै के बाद बानै सबई के सामने रोटी लेकै परमेसर को धन्‍नबाद करो और बाको टुकड़ा तोड़कै खाल लगो।

रोमियो 14:17

कैसेकै परमेसर को राज खानै पीनै को ना, पर धारमिकता, सान्‍ति और खुसी को है, जो पबित्‍तर आत्‍मा सै मिलै है।

रोमियो 14:3

और हर किसम को खानो खानै बारो आदमी साग-सब्जी खानै बारे आदमी कै बेकार ना समजै। बैसेई बौ जो कुछ चीज ना खावै है, उसके ऊपर बौ आदमी दोस ना लगाऐ जो सब कुछ खावै है। कैसेकै परमेसर नै उसकै अपना लओ है।

रोमियो 14:6

जो किसी खास दिन कै सुब मानै है, तौ बौ उसकै परभु के नाम मै सुब मानै है। और जो सब कुछ खावै है बौ परभु के नाम सै खावै है, कैसेकै बौ परमेसर कै धन्‍नबाद देवै है, और जो परहेज करै है, बौ बी परमेसर को धन्‍नबाद करै है।

1 कुरन्‍थियों 6:13

ऐंसो कोई बोलै कै, “रोटी पेट के ताँई, और पेट रोटी के ताँई है।” पर परमेसर दौनौ कै मिटा देगो। पर जौ सरीर कुकरम कन्‍नै के ताँई ना है, बलकन परभु के सेवा ताँई है, और परभु हमरे सरीर की देखरेख कन्‍नै के ताँई है।

1 कुरन्‍थियों 7:28

पर अगर तू बिहा करै है, तौ बामै कोई पाप ना है, और अगर कुँआरी लौंड़िया बिहा करै है, तौ बौ बी कोई पाप ना करै है। पर जो लोग बिहाली जिन्‍दगी जी रए हैं उनकै भौस्सी परेसानिऔ को सामनो कन्‍नो पड़ैगो। पर मैं तुम लोगौ कै इनसै बचानो चाँहौ हौं।

1 कुरन्‍थियों 8:8

खानो हमकै परमेसर के धौंरे ना पौंचा सकै है, अगर हम ना खावै हैं, तौ बासै हमकै कोई नुकसान ना है, और अगर हम बाकै खावै हैं, तौ बासै हमकै कोई फाएदा बी ना है।

कुलुसिऔं 2:16

इसताँई तुमरे खानै पीनै, या तौहारौ, या नए चाँद के तौहार, या आराम कन्‍नै बारे दिनौ कै लेकै तुमरो कोई फैसला ना करै।

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

1 तीमुथियुस 2:4

परमेसर ऐंसो चाँहै है कै सिगरे लोग बच जाँय और बे सच्‍चाई कै अच्‍छे सै जानै।

1 तीमुथियुस 4:4

कैसेकै परमेसर की बनाई भई सिगरी चीज अच्‍छी हैं, और कोई बी उनकै खराब ना बोल सकै है, पर हम धन्‍नबाद देकै खा सकै हैं।

1 तीमुथियुस 5:14

इसताँई मैं जौ चाँहौ हौं कै जो जमान राँड़ बईयरैं हैं। बे बिहा करैं और बालक पैदा करैं और अपने घरबार कै देखैं, और दुसमनौ कै बदनाम कन्‍नै को मौको ना दैं।

इबरानिओ 13:4

बिहा सब मै इज्‍जत की बात समजी जाऐ और लोग-बईयर एक दूसरे के संग बिसवासजोग रैंह। कैसेकै परमेसर बैबिचार कन्‍नै बारौ कै और गलत तरीका सै सरीरिक सम्बंध रखनै बारौ कै सजा देगो।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।