1 तीमुथियुस 3:7 - बुक्सा

⁷ और जो लोग बिसवासी ना हैं उनके बीच मै बी बाको अच्‍छो नाम होए, पर ऐंसो ना होए कै बौ किसी गलत बातौं मैं पड़कै सैतान के फंदा मै फस जाय।

1 तीमुथियुस 3:7 Mawu Ofanana

मरकुस 4:11

ईसु नै उनकै बताई, “तुम लोगौ कै तौ परमेसर के राज को भेद जान्‍नै को बरदान देओ गओ है। पर बाहार बारौ के ताँई सब बात दासतानौ मै होवै हैं।

चेलौ के काम 10:22

तब उन्‍नै कैई कै, “हमकै बड़े सूबेदार कुरनेलियुस नै भेजो है। बौ परमेसर के भक्‍त और धरमी आदमी है। सिगरे यहूदिऔं मै बाकी बेसानी इज्‍जत है। बाकै पबित्‍तर सुरगदूत नै ऐंसो कैई कै तेकै अपने घर बुलाकै तेसै बचन सुनै।”

चेलौ के काम 22:12

“बहाँ मूसा के नियम कै माननै बारो हननियाह नाम को एक भक्‍त आदमी हो। बाकी बहाँ के यहूदी लोगौ मै अच्‍छी इज्‍जत ही।

चेलौ के काम 6:3

इसताँई भईयौ आपस मै सै समजदार और पबित्‍तर आत्‍मा सै भरे भए सात आदमिऔ कै चुन लो कै हम बौ काम उनके हातौ मै सौंप सकैं।

1 कुरन्‍थियों 10:32

तुम लोग ना तौ यहूदिऔं के ताँई, ना गैर यहूदी लोगौ के ताँई और ना परमेसर के बिसवासिऔ की मंडली के ताँई ठोकर की बजै बनौ।

1 कुरन्‍थियों 5:12

कैसेकै दूसरे लोगौ को नियाय कन्‍नै को काम मेरो ना है। तुम तौ उनको नियाय करिओ जो बिसवासिऔ की मंडली के लोग हैं।

2 कुरन्‍थियों 6:3

हम हर एक बात मै धियान देवै हैं जिस्सै कै हमरे ऊपर उंगरिआ उठानै को मौको ना मिलै, और ना हमरी सेवा के काम मै कोई कलंक लगै।

2 कुरन्‍थियों 8:21

कैसेकै हम अपने भले कामौ कै परभु के संगई ना बलकन आदमिऔ के संग बी रखनो चाँहै हैं।

कुलुसिऔं 4:5

जो लोग बिसवासी ना हैं तुम उनके संग सोच समजकै बरताब करौ और मौके को सई फाएदा उठाऔ।

1 थिसलुनीकियौ 4:12

कै जो लोग बिसवासी ना हैं तौ बे तुमरो बरताब देक्‍कै तुमरी इज्‍जत करंगे। तुमकै किसी चीज के बारे मै किसी सै पूँछनै की जरूरत ना है।

1 थिसलुनीकियौ 5:22

और हर एक तरै की बुराई सै बचे रौह।

1 तीमुथियुस 3:6

बौ एक नओ बिसवासी ना होनो चँईऐ कै बाकै घमंड हो जाय और बौ सैतान के हाँई सजा पाय।

1 तीमुथियुस 5:14

इसताँई मैं जौ चाँहौ हौं कै जो जमान राँड़ बईयरैं हैं। बे बिहा करैं और बालक पैदा करैं और अपने घरबार कै देखैं, और दुसमनौ कै बदनाम कन्‍नै को मौको ना दैं।

1 तीमुथियुस 6:9

जो लोग सेट होनो चाँहै हैं बे लालच मै पड़कै सैतान के फंदा मै फस जावै हैं। पागलौ बारे काम और नुक्‍सान पौंचानै बारी बातौं मै ना फसौ, जो आदमी कै बिगाड़ देवै है और बाकै नास की ओर ले जावै है।

2 तीमुथियुस 2:26

और सैतान के बा फंदा सै बचकै लिकर सकै, जिसमै सैतान नै लोगौ कै अपने कबजा मै रखर खाओ है।

तीतुस 2:5

और संयमी और पबित्‍तर अपने अपने घरौं की देखरेख कन्‍नै बारी, भली और अपने अपने आदमिऔ की आगियाँ माननै बारी बनै, जिस्सै परमेसर के बचन की बुराई ना हो।

तीतुस 2:8

और ऐंसो खरोपन पाओ जाय कै कोई उसकै बुरो ना कैह सकै, जिस्सै बिरोदी हमरे ऊपर कोई दोस लगानै को मौको ना पाकै सरमिन्‍दा हौं।

3 यहून्‍ना 1:12

दमेतियुस के बारे मै हर किसी नै अच्‍छी गभाई दई है। जौई गभाई खुद सच, और हम बी देवै हैं, और तू जानै है कै हमरी गभाई सच्‍ची है।