1 थिसलुनीकियौ 5:23 - बुक्सा

²³ सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

1 थिसलुनीकियौ 5:23 Mawu Ofanana

लूका 1:46

तब मरियम नै कैई, “मैं जी जान सै परभु की बड़ाई करौ हौं।

यहून्‍ना 17:19

और उनके ताँई मैं अपने आपकै पबित्‍तर करौं हौं, कै बे बी सच के दुआरा पबित्‍तर करे जांऐ।

चेलौ के काम 20:32

“अब मैं तुमकै परमेसर के बचन और बाके किरपा के हात मै सौंप रओ हौं, जो तुमकै पबित्‍तर लोगौ के संग बड़ाई और बारिस होनै को हक दे सकै है।

चेलौ के काम 26:18

कै तू उनकी आँखौ कै खोलै जिस्सै कै बे लोग इन्धेरे सै उज्‍जेरे की ओर आँय और जो सैतान के फंदा मै फसे पड़े हैं, उनकै तू परमेसर के राज मै लेकै आय जिस्सै कै उनके पाप माफ हौं, और परमेसर के छाँटे भए बिसवासी लोगौ मै बे अपनी जघै बनाऐ।’

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

रोमियो 15:33

सान्‍ति को परमेसर तुम सबके संग रैहए। ऐंसोई होए।

रोमियो 15:5

परमेसर हिम्मत बढ़ानै बारो और सबर को सोत है। बौ तुम लोगौ कै जौ बरदान देए कै तुम मसी ईसु के अनुसार आपस मै मेल-मिलाब बनाऐ रक्‍खौ।

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

1 कुरन्‍थियों 14:33

कैसेकै परमेसर गड़बड़ी कन्‍नै बारो ना पर सान्‍ति दैनै बारो परमेसर है, जैसो कै परमेसर के लोगौ की सब बिसवासिऔ की मंडलिऔ मै होवै है।

2 कुरन्‍थियों 5:19

हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 1:6

मैंकै जा बात को भरोसो है, कै जो अच्‍छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो।

फिलिप्‍पीऔ 4:9

जो बात तुमनै मैंसै सीकीं और पांई, और सुनीं और मैंकै करते देखो, उनई कै माने करौ। परमेसर जो सान्‍ति को सोता है तुमरे संग रैहगो।

कुलुसिऔं 1:22

पर अब परमेसर नै अपने लौंड़ा की मौत के दुआरा हमरो मेल अपने संग करो है, जिस्सै बौ तुमकै पबित्‍तर, बिना कलंक बारो और निरदोस बनाकै अपने सामने खड़ो करै,

1 थिसलुनीकियौ 2:19

हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

1 थिसलुनीकियौ 3:11

अब हमरो परम पिता परमेसर और परभु ईसु हमकै तुमरे धौंरे आनै के ताँई रस्ता दिखागो।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 4:3

परमेसर की इच्‍छा जौ है कै तुम पबित्‍तर बने रौह और बैबिचार सै बचे रौह।

1 थिसलुनीकियौ 5:22

और हर एक तरै की बुराई सै बचे रौह।

2 थिसलुनीकियौ 3:16

अब परभु खुदई जो सान्‍ति को सोत है, तुमकै हर बखत मै हमेसा सान्‍ति दै। परभु तुम सबके संग रैह।

इबरानिओ 13:20

अब सान्‍ति दैनै बारे परमेसर जिसनै हमरे परभु ईसु कै जो भेड़ौ को अच्‍छो गड़रिया है, बाकै हमेसा के करारनामे के खून के दुआरा मरे भएऔं मै सै जिन्‍दो करो है

इबरानिओ 2:11

परमेसर के ताँई पाप के सौभाब सै अगल कन्‍नै बारे और पाप के सौभाब सै अगल होनै बारे एकई अब्बा के हैं, इसताँई ईसु उनकै अपनो भईया कैनै सै मुकरैगो ना।

इबरानिओ 4:12

कैसेकै परमेसर को बचन जिन्‍दो और सकतिसाली है और बौ दोधारी पैनी भई तरवार सै बी जादा पैनो है। बौ पिरान, आत्‍मा और जोड़ौ और गूदा कै अगल करकै आर पार छेदै है और हमरे दिल की बातौं और इच्‍छाऔं कै जानै है।

याकूब 1:4

पर सबर कै अपनो पूरो काम करन दो कै तुम पूरे और पक्‍के हो जाऔ और तुम्मै किसी बात की कमी ना रैह।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

2 पतरस 3:14

इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,