1 थिसलुनीकियौ 5:14 - बुक्सा

¹⁴ ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्‍खौ।

1 थिसलुनीकियौ 5:14 Mawu Ofanana

मत्‍ती 12:20

बौ किचले भए ढरसल कै ना तोड़ैगो, और टिमटिमाते भए दिया कै ना बुतागो, जब तक बौ नियाय कै जीत तक ना ले जाय।

लूका 22:32

पर मैंनै तेरे ताँई पिराथना करी है कै तेरो बिसवास ना डगमगाय और जब तू बापस मेरे धौंरे लौहट आए तौ अपने भईयौ को बिसवास मजबूत बना।”

चेलौ के काम 20:27

कैसेकै परमेसर की सिगरी इच्‍छा कै मैं बतानै के ताँई कबी बी हिचकिचाओ ना।

चेलौ के काम 20:31

इसताँई चौकस रौह और याद करौ कै मैं तुमकै तीन साल तक दिन रात रो रो कै सबई जनी कै समजातो रैहओ।

चेलौ के काम 20:35

हर एक घड़ी मै मैंनै मैहनत कर करकै तुमरे सामने दिखाओ है कै दूसरौं की कैसे सायता करैं। परभु ईसु के बचन कै याद रक्‍खौ जो बानै कैओ हो कै, ‘माँगनै सै दैनो जादा अच्‍छो है।’ ”

रोमियो 12:1

इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

1 कुरन्‍थियों 4:14

मैं जौ बात तुमरी बेजती कन्‍नै के ताँई ना लिख रओ हौं, पर अपने पियारे बालक समजकै तुमकै चौकस कर रओ हौं।

1 कुरन्‍थियों 8:7

पर सबई लोग जा सच्‍चाई कै ना जानै हैं। पर कुछ लोगौ कै मूरतिऔं के सामने बलि चढ़ानै की आदत ही, और जब बे चढ़ाबे कै खावै हैं तौ बे अब तक ऐंसो सोचै हैं कै मूरती भगबान हैं। उनके मन की समज कमजोर हो गई है और बे ऐंसो सोचै हैं कै हम असुद्‍द हो गए हैं।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

इफिसिऔ 4:2

तुम नमरता और लाड़ और सबर के संग हमेसा आपस मै पियार सै एक दूसरे की सैह लो,

इफिसिऔ 4:32

तुम आपस मै एक दूसरे के ऊपर दया और रैहम करौ, और जिस तरै सै परमेसर नै मसी की बजै सै तुम लोगौ की गलतिऔं कै माफ करो बैसेई तुम बी एक दूसरे की गलतिऔं कै माफ करौ।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

2 थिसलुनीकियौ 3:15

और बाकै अपनो दुसमन ना समजिओ पर बिसवासी भईया या बहन समजकै चितौनी देईओ।

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

2 तीमुथियुस 4:2

तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

तीतुस 1:10

कैसेकै भौत से लोग बिद्रोही होकै बेकार की बात कन्‍नै बारे और धोको दैनै बारे हैं खास करकै यहूदी चेलौ मै सै।

तीतुस 1:6

पर हर एक मुखिया निरदोस होए और जिनकी एकई बईयर हो, जिनके बालक बिसवासी हौं और उनमै लुचपन और अनादर कन्‍नै को दोस ना हो।

इबरानिओ 12:12

इसताँई ढीले हातौ कै ऊपर उठाऔ और कमजोर घूंटेऔ कै सीदे करौ,

इबरानिओ 13:3

जो लोग कैदी हैं उनकै इस तरै याद करौ जैसे कै तुम बी उनके संग कैद मै हौ। जिनके संग बुरो बरताब करो जावै है उनकै बी ऐंसे याद रक्‍खौ कै तुमरे संग बी बुरो बरताब करो जा रओ है।