1 थिसलुनीकियौ 5:13 - बुक्सा

¹³ और जो काम बे करै हैं उन कामौ की बजै सै पियार के संग उनकी खूब इज्‍जत करौ। और तुम सबई आपस मै मिलजुलकै रैहऔ।

1 थिसलुनीकियौ 5:13 Mawu Ofanana

मत्‍ती 10:40

“जो तुमरी इज्‍जत करै है, बौ मेरी इज्‍जत करै है, और जो मेरी इज्‍जत करै है, बौ बाकी इज्‍जत करै है, जिसनै मैं भेजो हौं।

मरकुस 9:50

नौन अच्‍छो है, पर अगर बाको सबाद बिगड़ जाय, तौ तुम उसकै किस्सै नमकीन बनाऔगे? अपने आपकै नमकीन बनाए रक्‍खौ और आपस मै मेल-जोल रक्‍खौ।”

यहून्‍ना 15:17

मैं तुमकै जे आगियाँ इसताँई देवौ हौं कै तुम एक दूसरे सै पियार करौ।

2 कुरन्‍थियों 13:11

हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

गलातिऔ 4:14

और मैं अपनी सरीर की कमजोरी की बजै सै तुमरे ऊपर बोज बनो पर फिर बी तुमनै ना तौ मेरी बेजती करी और ना मैंसै नफरत करी, पर तुमनै मेरो परमेसर के दूत और ईसु मसी के हाँई सुआगत करो।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

गलातिऔ 6:6

जो तुमकै बचन की सिक्‍छा देवै है, बाके संग तुमकै अपनी जिन्‍दगी की अच्‍छी चीजौ कै बाँटनो चँईऐ।

इफिसिऔ 4:3

और सान्‍ति के संग एक दूसरे के संग बंधकै बा एकता कै बनाऐ रखनै की कोसिस करते रौह जिसकै पबित्‍तर आत्‍मा देवै है।

कुलुसिऔं 3:15

मसी की सान्‍ति तुमरे दिल मै राज करै और जाई सान्‍ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्‍नबाद देते रौह।

1 थिसलुनीकियौ 5:14

ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्‍खौ।

2 थिसलुनीकियौ 3:16

अब परभु खुदई जो सान्‍ति को सोत है, तुमकै हर बखत मै हमेसा सान्‍ति दै। परभु तुम सबके संग रैह।

2 तीमुथियुस 2:22

जबानी की गलत इच्‍छा सै दूर भाज; और धारमिक जिन्‍दगी, बिसवास, पियार और सान्‍ति और उनके पिच्‍छे लगो रैह जो सुद्‍द मन सै परभु को नाम लेबै हैं।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

याकूब 3:18

और मेल-जोल कन्‍नै बारे, बे सान्‍ति सै बीज बोंगे और धारमिकता को फल पांगे।