1 थिसलुनीकियौ 5:11 - बुक्सा

¹¹ इसताँई एक दूसरे कै सान्‍ति दो, और एक दूसरे की हिम्मत बढ़ाते रौह। जैसो कै तुम कर बी रए हौ।

1 थिसलुनीकियौ 5:11 Mawu Ofanana

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

रोमियो 15:2

हम्मै सै हर एक कै दूसरौं की भलाई और बढ़ौतरी के ताँई उनसै ऐंसो बरताब कन्‍नो चँईऐ कै बे हम सै खुस रैंह।

1 कुरन्‍थियों 10:23

तुमकै कैओ गओ है कै, सबई चीज हमरे ताँई सई हैं। पर सबई फाएदा बारी ना हैं। सबई चीज हमरे ताँई सई तौ हैं, पर सबई चीजौ सै तरक्‍की ना होवै है।

1 कुरन्‍थियों 14:12

इसताँई जब तुम बी पबित्‍तर आत्‍मा के बरदान पानै की ताख मै लगे हौ तौ ऐंसी कोसिस करौ कै जो बरदान तुमकै मिल रए हैं, उन बरदानौ सै बिसवासिऔ की मंडली के लोग बी बढ़ैं।

1 कुरन्‍थियों 14:29

परमेसर की ओर सै मिली भई बातौं कै दो या तीन जनी बोलैं और बाकी के लोग उनकै सुनै और परखैं।

1 कुरन्‍थियों 14:5

मैं चाँहबौ हौं कै, तुम सबई कै दूसरी दूसरी भासा मै बोलनै को बरदान मिलै। पर इस्सै जादा मैं जौ चाँहौ हौं कै तुम परमेसर की ओर सै बोलौ। कैसेकै परमेसर की ओर सै बोलनो दूसरी दूसरी भासा बोलनै सै बी बढ़कै है। जो दूसरी दूसरी भासा बोलै हैं। बे अगर बिसवासिऔ की मंडली के लोगौ कै उनको मतलब ना बता सकै हैं, तौ बे उनकै ना बढ़ा सकै हैं।

2 कुरन्‍थियों 12:19

का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है।

इफिसिऔ 4:12

जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

इफिसिऔ 4:16

जिसकी बजै सै सिगरो सरीर जोड़ मै बंधकै और एक संग मिलकै पियार मै बढ़तो जाऐ कैसेकै सिगरे अंग अपने आप खुद ठीक ठाक काम करै हैं।

इफिसिऔ 4:29

तुमरे मौह सै कोई बी गलत बात ना लिकरै, पर जरूरत के हिसाब सै बौई लिकरै जो उनके अग्गे बढ़ानै के ताँई अच्‍छो है जिस्सै कै उन सुन्‍नै बारौ के ऊपर उस्सै भलो होए।

1 थिसलुनीकियौ 4:10

और जौ सच है कै तुम मकिदुनिया के सिगरे मसी भईयौ और बहनौ के संग ऐंसोई पियार रक्‍खौ हौ। पर हे भईयौ और बहनौ हम तुमकै समजाबै हैं कै पियार मै और बी बढ़ते जाऔ।

1 थिसलुनीकियौ 4:18

इसताँई इन बातौं कै बतकाते भए एक दूसरे को हौसला बढ़ाऐ करौ।

1 तीमुथियुस 1:4

उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

इबरानिओ 3:13

जब तक “आज” को मौको तुमरे धौंरे है हर दिन तुम एक दूसरे कै समजाते रौह, जिस्सै कै तुम्मै सै कोई बी पाप के बैहकाबे मै आकै अपने दिल कै कठोर ना कर ले।

2 पतरस 1:12

इसताँई तुम लोग इन बातौं कै जानौ हौ और बा सच्‍चाई मै पक्‍के बने भए हौ, फिर बी मैं तुमकै इन बातौं कै हमेसा याद दिब्बातो रैहंगो।

यहूदा 1:20

पर हे पियारे लोगौं, तुम अपने पबित्‍तर बिसवास मै बढ़ते रौह और पबित्‍तर आत्‍मा की सायता सै पिराथना करते रौह।