1 थिसलुनीकियौ 4:17 - बुक्सा

¹⁷ और बाके बाद जो हम्मै सै जिन्‍दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे।

1 थिसलुनीकियौ 4:17 Mawu Ofanana

मत्‍ती 26:64

ईसु नै उस्सै कैई, “तैनै खुदई कैदई, पर मैं तुम लोगौ सै जौ बी कैरओ हौं, कै अब सै तुम आदमी के लौंड़ा कै सरब सकतिमान परमेसर के दाँय ओर बैठे भए, और आसमान के बादरौं मै आते भए देखौगे।”

मरकुस 14:62

ईसु नै कैई, “हाँ मैं हौं” और तुम “आदमी के लौंड़ा कै सरब सकतिमान परमेसर के खाने हात बैठे, और आसमान के बादरौं मै आते भए देखौगे।”

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

यहून्‍ना 14:3

और अगर मैं जाकै तुमरे ताँई जघै तईयार करौं तौ फिर आकै तुमकै अपने हिंया ले जांगो कै जहाँ मैं हौं बहाँ तुम बी रौह,

यहून्‍ना 17:24

अब्बा, मैं चाँहौ हौं कै जिनकै तैनै मैंकै दओ है, जहाँ मैं हौं, बहाँ बे बी मेरे संग रैहंगे। कै बे मेरी बा महिमा कै देख सकैं जो तैनै मैंकै दई है, कैसेकै तैनै दुनिया बनानै सै पैले मैंसै पियार करो।

चेलौ के काम 1:9

इतनो कैनै के बाद उनके देखते देखते बौ सुरग मै उठा लओ गओ और बादरौं नै बौ उनकी नजरौ सै लुका लओ।

चेलौ के काम 8:39

जब बे पानी सै बाहार लिकरकै ऊपर आए, तबई परभु की आत्‍मा नै फिलिप्‍पुस कै उठा लओ और अधकारी नै फिलिप्‍पुस कै फिर ना देखो, और बौ खुसी मनातो भओ अपनी रस्ता मै चले गओ।

1 कुरन्‍थियों 15:52

और आखरी तुरही बजातेई हम नैकदम्मैई बदल जांगे, यानी पलभरमैई। कैसेकै जब तुरही बजैगी तबई मरे भए अमर हो कै फिर सै जिन्‍दे हो जांगे।

2 कुरन्‍थियों 5:8

हमकै पक्‍को बिसवास है और जाई बजै सै हम अपने सरीर के घर कै छोड़कै परभु के धौंरे रैहनो अच्‍छो लगै है।

फिलिप्‍पीऔ 1:23

मैं इन दौनौ बातौं के बीच मै लटको हौं, और मन करै है कै, मैं अपनी जिन्‍दगी सै बिदा होकै मसी के संग रैहऔं कैसेकै जौ सबसै अच्‍छो है।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 4:15

इसताँई हम परभु के बचन के हिसाब सै कैबै हैं कै, हम जो जिन्‍दे हैं, और परभु के आनै तक जिन्‍दे रैहंगे, और हम मरे भए लोगौ सै पैले बासै मिलनै ना जा पांगे।

1 थिसलुनीकियौ 4:18

इसताँई इन बातौं कै बतकाते भए एक दूसरे को हौसला बढ़ाऐ करौ।

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

2 पतरस 3:13

पर हम परमेसर के बादे के हिसाब सै एक नए आसमान और नई धरती को पैंड़ो देख रए हैं; जहाँ धारमिकता रैहगी।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

परकासन 11:12

तब उनकै सुरग सै एक ऊँची अबाज सुनाई देई, “हिंया ऊपर आऔ।” जौ सुनकै बे सुरग मै बादर के संग चले गए और उनकै ऊपर जाते भए उनके दुसमनौ नै देखो।

परकासन 12:5

और फिर उस बईयर नै एक लौंड़ा कै जलम देओ। उसकै सबई जातिऔं के ऊपर लहो के डन्डा के संग सासन कन्‍नो हो। पर उस बालक कै उठाकै परमेसर और उसके सिंगासन के सामने लेजाओ गओ।