1 थिसलुनीकियौ 4:13 - बुक्सा

¹³ ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है।

1 थिसलुनीकियौ 4:13 Mawu Ofanana

मत्‍ती 27:52

कबर खुल गंई, और भौत से मरे भए पबित्‍तर लोगौ के सरीर फिर सै जिन्‍दे हो गए।

यहून्‍ना 11:24

मारथा नै बासै कैई, “मैं जानौ हौं कै आखरी दिन मै जब मरे भए फिर जी उठंगे तौ बौ बी जिन्‍दो हो जागो।”

चेलौ के काम 13:36

दाऊद नै तौ अपनी जिन्‍दगी मै परमेसर के हिसाब सै काम करो और मर कै अपने बापदादौं की जघै मै दफना दओ गओ और बौ सड़ बी गओ।

चेलौ के काम 7:60

फिर बानै घूंटे के बल टिक कै जोर सै कैई कै, “हे परभु, जौ पाप उनके ऊपर मत लगईए।” और जौ कैह कै बानै अपने पिरान छोड़ दए। सितेफनुस कै मारनै के ताँई साऊल को बी हात हो।

चेलौ के काम 8:2

कुछ परमेसर के लोगौ नै सितेफनुस कै दफनाओ और बाको दुख मनाओ।

रोमियो 1:13

हे भईयौ, मैं जौ चाँहौ हौं कै तुम जौ बात जानलो कै जैसे मैंनै गैर यहूदिऔं मै मसी के ताँई लोगौ कै चेला बनाओ, बैसेई तुमरे बीच मै बी लोगौ कै मसी के चेला बनानै के ताँई तुमरे धौंरे भौत दफै आनो चाँह रओ हो, पर कुछ ना कुछ मुसीबत की बजै सै आ ना सकै हो।

1 कुरन्‍थियों 10:1

हे भईयौ और बहनौ, मैं चाँहौ हौं कै तुम जौ जानलो कै हमरे सबई बुजरगौं नै बादर की छाँई के आड़ मै होते भए लाल समन्‍दर पार करो हो।

1 कुरन्‍थियों 12:1

हे भईयौ और बहनौ, मैं ऐंसो ना चाँहौ हौं कै तुम परमेसर के आत्‍मा के बरदान सै अनजान रौह।

1 कुरन्‍थियों 15:6

और बाके बाद पाँच सौ सै बी जादा बिसवासी लोगौ कै एक संगई दिखाई दओ, और उनमै सै भौस्से लोग आज बी जिन्‍दे हैं, पर कुछ मर गए हैं।

2 कुरन्‍थियों 1:8

हे भईयौ और बहनौ, जैसी मुसीबत हमनै एसिया मै झेली हीं बाके बारे मै तुमकै जरूर पतो होनो चँईऐ, और बे मुसीबत इत्‍ती बड़ी और भारी हीं कै हमरे सैहने सै बाहार हीं और ऐंसो लगै हो कै हमनै अपनी जिन्‍दगी सै बी हात धो दओ होए।

इफिसिऔ 2:12

याद रक्‍खौ कै पैले तुम बिना मसी के हे, और ईसराइल के बिरादरी सै बी बाहार हे। तुम बा करारनामे सै जो परमेसर नै अपने लोगौ के संग करो हो अनजान हे, और जा दुनिया मै तुम बगैर आस के और बिना परमेसर के जी रए हे।

इफिसिऔ 2:3

एक बखत हो जब हम बी अपने सरीर की गलत इच्‍छाऔं के हिसाब सै दिन काटै हे, और सरीर और मन की मरजी कै पूरी कन्‍नै मै लगे रैहबै हे, और सबई लोगौ के हाँई सौभाब सैई हम बी परमेसर के घुस्सा के लायक हे।

1 थिसलुनीकियौ 4:14

अगर हम जौ बिसवास करै हैं कै ईसु मर गओ और फिर सै जिन्‍दो हो गओ है, तौ जो ईसु मै बिसवास करते भए मरे हैं उनकै परमेसर ईसु के संग बैसेई फिर सै बापस लेकै आगो।

1 थिसलुनीकियौ 4:15

इसताँई हम परभु के बचन के हिसाब सै कैबै हैं कै, हम जो जिन्‍दे हैं, और परभु के आनै तक जिन्‍दे रैहंगे, और हम मरे भए लोगौ सै पैले बासै मिलनै ना जा पांगे।

1 थिसलुनीकियौ 5:10

बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

1 थिसलुनीकियौ 5:6

इसताँई औरौं के हाँई हमकै सोते भए ना रैहनो है, बलकन जगते और होसिआर रैहनो है।

2 पतरस 3:4

और कैंगे, “परभु के आनै को बादे को का भओ? हमरे बापदादे मर गए, पर दुनिया की सुरूआत सै अब तक सब कुछ बैसोई को बैसो चल रओ है।”

2 पतरस 3:8

पियारे लोगौं, पर जा एक बात कै भूलिओ मत कै परभु के ताँई एक दिन हजार बरस के बराबर है और हजार बरस एक दिन के बराबर है।