1 थिसलुनीकियौ 4:12 - बुक्सा

¹² कै जो लोग बिसवासी ना हैं तौ बे तुमरो बरताब देक्‍कै तुमरी इज्‍जत करंगे। तुमकै किसी चीज के बारे मै किसी सै पूँछनै की जरूरत ना है।

1 थिसलुनीकियौ 4:12 Mawu Ofanana

मरकुस 4:11

ईसु नै उनकै बताई, “तुम लोगौ कै तौ परमेसर के राज को भेद जान्‍नै को बरदान देओ गओ है। पर बाहार बारौ के ताँई सब बात दासतानौ मै होवै हैं।

रोमियो 12:17

बुराई के बदले मै बुराई ना करौ। और जो सब लोगौ की नजरौ मै अच्‍छो है उनकै कन्‍नै की कोसिस करौ।

रोमियो 13:13

हम बैसेई रैहऐ जैसे दिन के टैम मै रैहबैं हैं। और दाबतौं मै खाकै पीकै धुत्‍त ना होओ, बईयरौं के संग गलत काम ना करौ, भोग-विलास मै ना पड़ौ, लड़ाई, और ना किसी सै जरन रक्‍खौ।

इफिसिऔ 4:28

जो आदमी चोरी करै है बौ अब चोरी ना करै। पर मैहनत करकै बौ अपने हातौ सै करे भए भले कामौ के दुआरा गरीब लोगौ की सायता बी कर सकै।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

कुलुसिऔं 4:5

जो लोग बिसवासी ना हैं तुम उनके संग सोच समजकै बरताब करौ और मौके को सई फाएदा उठाऔ।

1 थिसलुनीकियौ 5:22

और हर एक तरै की बुराई सै बचे रौह।

1 तीमुथियुस 3:7

और जो लोग बिसवासी ना हैं उनके बीच मै बी बाको अच्‍छो नाम होए, पर ऐंसो ना होए कै बौ किसी गलत बातौं मैं पड़कै सैतान के फंदा मै फस जाय।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

1 पतरस 3:1

बईयरौं, तुम अपने लोग की बात माने करौ, इसताँई कै उनमै सै अगर कोई परमेसर के बचनौ कै ना मानै है, तौ बे तुमरे पबित्‍तर और आदर बारी जिन्‍दगी कै देक्‍कै, तुमरे बगैर कुछ कैए बिना मसी बिसवास मै आँय।