1 थिसलुनीकियौ 3:13 - बुक्सा

¹³ हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 3:13 Mawu Ofanana

मत्‍ती 25:31

“जब आदमी को लौंड़ा अपनी महिमा मै आगो, और सब सुरगदूत बाके संग आंगे तौ बौ अपनी महिमा के सिंगासन मै बिराजमान होगो।

मरकुस 8:38

अगर कोई मैंकै और मेरी बातौं कै, बैबिचारी और पापी लोगौ के डर सै मेरो इनकार करैगो, तौ ‘मैं’ आदमी को लौंड़ा बी जब पबित्‍तर सुरगदूतौं के संग अपने अब्बा की महिमा मै आंगो, तब मैं बी उसको इनकार कर दंगो।”

लूका 1:6

बे दौनौई धरमी हे। बे पूरे मन सै परभु की आगियाँऔ और नियमौ को पालन करै हे।

रोमियो 14:4

तू दूसरौं के घर के दास के ऊपर दोस लगानै बारो कौन है? उसको पक्‍को बनो रैहनो या गिर जानो उसके मालिक केई ऊपर बात है। और बौ पक्‍को बनो रैहगो, कैसेकै परभु उसकै अपनी तागत सै खड़ो कर सकै है।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

गलातिऔ 1:4

ईसु मसी नै हमरे पापौं के ताँई अपनी जान तक दे दई जिस्सै कै हम जा बुरे युग मै रैह रए हैं, बासै छुटकारो पा सकैं और हमरे पिता परमेसर की इच्‍छा जौई है।

इफिसिऔ 5:27

कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्‍नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्‍तर और निरदोस हो।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

कुलुसिऔं 1:22

पर अब परमेसर नै अपने लौंड़ा की मौत के दुआरा हमरो मेल अपने संग करो है, जिस्सै बौ तुमकै पबित्‍तर, बिना कलंक बारो और निरदोस बनाकै अपने सामने खड़ो करै,

1 थिसलुनीकियौ 2:19

हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

1 थिसलुनीकियौ 3:11

अब हमरो परम पिता परमेसर और परभु ईसु हमकै तुमरे धौंरे आनै के ताँई रस्ता दिखागो।

1 थिसलुनीकियौ 3:2

और तीमुथियुस जो मसी की अच्‍छी खबर कै फैलानै मै हमरो संगी भईया और परमेसर की सेवा कन्‍नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ,

1 थिसलुनीकियौ 4:15

इसताँई हम परभु के बचन के हिसाब सै कैबै हैं कै, हम जो जिन्‍दे हैं, और परभु के आनै तक जिन्‍दे रैहंगे, और हम मरे भए लोगौ सै पैले बासै मिलनै ना जा पांगे।

1 थिसलुनीकियौ 4:17

और बाके बाद जो हम्मै सै जिन्‍दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

2 थिसलुनीकियौ 1:10

जौ बा दिन होगो जब बाकै अपने पबित्‍तर लोगौ की ओर सै महिमा मिलैगी, और सिगरे बिसवास कन्‍नै बारे लोग बाकी इज्‍जत करै हैं। तुम बी जामै सामिल हौ, कैसेकै तुमनै हमरी गभाई मै बिसवास करो है।

2 थिसलुनीकियौ 1:7

और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,

2 थिसलुनीकियौ 2:1

ओ भईयौ और बहनौ, हम तुमसै अपने परभु ईसु मसी के बापस आनै और बाके धौंरे इखट्‍टे होनै के बारे मै तुमसै बिनती करै हैं,

याकूब 5:8

तुम लोग बी सबर रक्‍खौ, और हिम्मत ना हारौ, कैसेकै परभु को फिर सै आनै को बखत धौंरेई है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

यहूदा 1:14

आदम की सातमी पीढ़ी के हनोक नै बी, इनके बारे मै भबिसबानी करी ही, “देखौ, परभु अपने पबित्‍तर लोगौ के संग आगो जिनकी कोई गिनती ना कर सकै है,

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,