1 थिसलुनीकियौ 2:13 - बुक्सा

¹³ इसताँई हम बी परमेसर कै हमेसा धन्‍नबाद देवै हैं। कैसेकै हमरे दुआरा परमेसर को बचन तुमरे धौंरे पौंचो, तौ तुमनै बाकै आदमिऔ को ना पर परमेसर को पबित्‍तर बचन समजकै बिसवास करो और जौ बचन तुम लोगौ के बीच मै काम करै है।

1 थिसलुनीकियौ 2:13 Mawu Ofanana

मत्‍ती 10:20

कैसेकै बोलनै बारे तुम ना हौ, पर अब्बा को आत्‍मा है, जो तुमरे दुआरा बोलै है।

मत्‍ती 10:40

“जो तुमरी इज्‍जत करै है, बौ मेरी इज्‍जत करै है, और जो मेरी इज्‍जत करै है, बौ बाकी इज्‍जत करै है, जिसनै मैं भेजो हौं।

लूका 11:28

तब ईसु नै कैई, “धन्‍न बे हैं, जो परमेसर को बचन सुनै और उनकै मानै हैं।”

लूका 5:1

एक दिन ईसु गन्‍नेसरत नाम की झील के किनारे खड़ो हो, तब भीड़ ईसु कै दबाते भए चारौ लंग सै घेरकै परमेसर को बचन सुन्‍नै के ताँई खड़ी ही,

लूका 8:11

“इस दासतान को अरथ जौ है, बीज परमेसर को बचन है।

लूका 8:21

बानै जबाब दओ, “मेरी अईया और मेरे भईया बेई हैं, जो परमेसर को बचन सुनै और बाकै मानै हैं।”

यहून्‍ना 15:3

तुम बा बचन के बजै सै सुद्‍द हो चुके हौ जो मैंनै तुमसै कैई है।

यहून्‍ना 17:17

सच के दुआरा उनकै पबित्‍तर कर, तेरो बचन सच्‍चो है।

यहून्‍ना 17:19

और उनके ताँई मैं अपने आपकै पबित्‍तर करौं हौं, कै बे बी सच के दुआरा पबित्‍तर करे जांऐ।

चेलौ के काम 10:33

तबई मैंनै तुरन्‍त तेकै लैनै के ताँई अपने आदमी भेजे और तैनै बी अच्‍छो करो कै तू आ गओ। अब हम सिगरे जनी परमेसर के सामने हैं, और जो कुछ तेकै परभु नै कैई बौ हमकै सुना।”

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

चेलौ के काम 16:14

बहाँ थूआतीरा सैहर की लुदीया नाम की एक परमेसर की भक्‍तन ही बौ बैंगनी रंग के खास कीमती लत्‍ता बेचै ही और परभु नै बाको दिल खोल दओ और बौ पौलुस की बातौं कै धियान सै सुनल लगी।

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

चेलौ के काम 17:32

मरे भएऔं और फिर सै जिन्‍दे होनै की बात सुनकै लोग मजाक बनाल लगे, पर दूसरे लोग कैललगे कै, “जा बात के बारे मै हम और बी जादा किसी और दिन तेसै सुन्‍नो चाँहै हैं।”

चेलौ के काम 2:41

और जिन आदमिऔ नै बाकी बातौं मै बिसवास करो, उन्‍नै जल संस्कार लओ, और उसई दिन उनके समू मै कम सै कम तीन हजार लोग उनके संग जुड़े।

चेलौ के काम 8:14

जब ऐरूसलेम के भेजे भए चेलौ नै जौ सुनो कै सामरिया जिला के लोगौ नै बी परमेसर के बचन कै मान लओ है तौ पतरस और यहून्‍ना कै उनके धौंरे भेजो।

रोमियो 10:17

और हम देखै हैं कै सुननै सैई बिसवास पैदा होवै है, और जो सुनो जावै है बौ मसी को बचन है।

2 कुरन्‍थियों 3:18

जब हमरे मौह सै परदा हट गओ है तौ हम एक दरपन के हाँई हैं। और बामै परभु की चमक कै देखै हैं। हम बी बाके हाँई बैसेई होनै लगै हैं, और हमरी चमक बढ़ती चली जावै है और जौ चमक परभु की आत्‍मा सै मिलै है।

गलातिऔ 4:14

और मैं अपनी सरीर की कमजोरी की बजै सै तुमरे ऊपर बोज बनो पर फिर बी तुमनै ना तौ मेरी बेजती करी और ना मैंसै नफरत करी, पर तुमनै मेरो परमेसर के दूत और ईसु मसी के हाँई सुआगत करो।

कुलुसिऔं 1:6

जैसी अच्‍छी खबर तुमरे धौंरे आई बैसीई सिगरी दुनिया मै आई। बौ अच्‍छी खबर सैरी दुनिया मै फल रई है और बढ़ रई है बैसेई जिस दिन सै तुमनै अच्‍छी खबर सुनी और सच्‍चाई सै परमेसर की किरपा कै जान लओ बा दिन सै अच्‍छी खबर तुमरे भीतर फल रई है और बढ़ रई है।

इबरानिओ 4:12

कैसेकै परमेसर को बचन जिन्‍दो और सकतिसाली है और बौ दोधारी पैनी भई तरवार सै बी जादा पैनो है। बौ पिरान, आत्‍मा और जोड़ौ और गूदा कै अगल करकै आर पार छेदै है और हमरे दिल की बातौं और इच्‍छाऔं कै जानै है।

इबरानिओ 4:2

कैसेकै हमकै बी उनके हाँई अच्‍छी खबर सुनाई गई पर जैसी अच्‍छी खबर उन्‍नै सुनी, उनकै बासै कुछ फाएदा ना भओ कैसेकै उन्‍नै परमेसर की बात माननै बारौ के बिसवास के हाँई बिसवास ना करो।

याकूब 1:18

परमेसर नै अपनी मरजी सै हमकै सच्‍चाई के बचन सै पैदा करो है, जिस्सै कै हम बाकी बनाई भई चीजौ मै सै पैलो फल बनै।

1 पतरस 1:23

कैसेकै तुमकै नओ जलम मिलो है और जौ जलम तुमकै तुमरे अईया-अब्बा सै ना मिलो है जो खतम हो जावै है पर परमेसर सै जिन्‍दो और हमेसा रैहनै बारे बचन सै मिलो है।

1 पतरस 1:25

मगर परभु को बचन हमेसा-हमेसा टिको रैहबै हैं।” और जौई अच्‍छी खबर को बचन है, जो तुमकै सुनाओ गओ है।

1 पतरस 2:2

नए जलमे बालक के हाँई सुद्‍द, और आत्‍मिक दूद पीनै के ताँई तरसते रौह ताकि बासै बढ़ौ और तुम मुक्‍ति मै बढ़ते जाऔ।

2 पतरस 3:2

तुम उन बातौं कै जो पबित्‍तर नबिऔ नै पैलेई सै कैंई हीं; उनकै याद करौ और परभु और मुक्‍ति दैनै बारे की आगियाँ कै, जो भेजे भए चेलौ के दुआरा तुमकै दई हैं याद करौ।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।