1 थिसलुनीकियौ 2:11 - बुक्सा

¹¹ तुम जानौ हौ कै जैसो अब्बा अपने बालकौ के संग बरताब करै है, बैसोई हमनै बी तुमरे संग करो।

1 थिसलुनीकियौ 2:11 Mawu Ofanana

लूका 16:28

कैसेकै मेरे पाँच भईया और हैं, बौ उनके सामने इन बातौं की गभाई दे, कहीं ऐंसो ना हो कै बे बी इस तड़पनै बारी जघै मै आ जांऐ।

चेलौ के काम 20:2

बौ बहाँ के सिगरे देसौ के चेलौ की हिम्मत बढ़ाते भए यूनान देस मै आओ।

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

1 थिसलुनीकियौ 2:7

हम मसी के भेजे भए चेला होनै की बजै सै अपनो हक जता सकै हैं। पर हम तुमरे संग पियार सै रैहए, जैसे अईया अपने बालकौ कै खबा पिबा कै उनकै पालै है, बैसेई हमनै बी तुमरे संग कोमलता दिखाई है।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

1 थिसलुनीकियौ 4:6

इसताँई तुम बी बिसवासी भईया या बहन के संग पाप ना करिओ और ना गलत फाएदा उठईओ, कैसेकै परभु इन सिगरी बातौं को बदलो लेगो। जे सिगरी बात मैंनै तुमकै पैलेई बता दंई और ढंग सै समजा बी दंई हैं।

1 थिसलुनीकियौ 5:11

इसताँई एक दूसरे कै सान्‍ति दो, और एक दूसरे की हिम्मत बढ़ाते रौह। जैसो कै तुम कर बी रए हौ।

1 थिसलुनीकियौ 5:14

ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्‍खौ।

2 थिसलुनीकियौ 2:5

का तुमकै याद ना है कै जब मैं तुमरे संग हो तौ तुमसै जे सिगरी बात कैए करै हो?

2 थिसलुनीकियौ 3:12

ऐंसे लोगौ कै हम परभु ईसु मसी मै हुकम देकै समजाबै हैं कै, बे चुपचाप अपनो काम करैं और अपनी कमाई की रोटी खाँय।

1 तीमुथियुस 5:21

परमेसर, ईसु मसी और चुने भए सुरगदूतौं के सामने, मैं तुमकै जौ हुकम देवौ हौं कै तुम इन बातौं कै पूरे दिल सै मानौ और कोई बी काम कै भेदभाब सै ना करौ।

1 तीमुथियुस 5:7

इन बातौं को बी हुकम देते रैहऔ जिस्सै कै कोई बी उनकी बुराई ना कर पाऐ।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

1 तीमुथियुस 6:2

और जिनके मालिक बिसवासी हैं तौ बे अपने मालिक की बेजती ना करैं, कैसेकै बे तुमरे भईया हाँई हैं, पर तुम उनकी और जादा अच्‍छी सेवा करिओ, कैसेकै जिसकै तुमरे काम कन्‍नै की बजै सै फाएदा पौंच रओ है। बे बिसवासी और तुमसै पियार कन्‍नै बारे हैं। इन बातौं कै सिकाए करौ और परचार करते रौह।

तीतुस 2:15

इन बातौं कै पूरे अधकार के संग कैह और समजातो, सिकातो और डाटतो रैह। जिस्सै कोई तेरी अनसुनी ना कर सकै।

तीतुस 2:6

ऐंसेई जमान आदमिऔ कै बी समजाऐ कर, कै बे संयमी बनै।

तीतुस 2:9

नौकरौ कै समजा कै अपने अपने मालिकौं के आधीन रैंह, और सब बातौं मै उनकै खुस रक्‍खैं, और पलट कै जबाब ना दैं,

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

3 यहून्‍ना 1:4

मैंकै और किसी बात मै इत्‍ती खुसी ना भई, जित्‍ती जौ सुनकै भई कै, मेरे बालक सच्‍चाई की रस्ता मै चलै हैं।