1 पतरस 5:5 - बुक्सा

⁵ हे जमान बालकौ, तुम बी मुखियौं की बात मानौ, और तुम सब एक दूसरे के संग नमर बनौ कैसेकै पबित्‍तर सास्तर मै लिखो है, “परमेसर घमंड कन्‍नै बारौ को बिरोद करै है पर दीन लोगौ के ऊपर किरपा करै है।”

1 पतरस 5:5 Mawu Ofanana

लूका 22:26

पर तुम बैसे ना हौ बलकन तुम्मै तौ सबसै बड़ो सबसै छोटे जैसो होनो चँईऐ और जो खास है उसकै सेवा कन्‍नै बारो होनो चँईऐ।

रोमियो 12:10

तुम मसी भईयौ के जैसो एक दूसरे कै पूरे दिल सै पियार करौ, और एक दूसरे कै अपने सै अच्‍छो मानौ।

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

इफिसिऔ 5:21

मसी को डर मानते भए एक दूसरे के आधीन मै रौह।

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

कुलुसिऔं 3:12

तुम परमेसर के छाँटे भए पबित्‍तर और पियारे लोग हौ। इसताँई दया, भलाई, दीनता, कोमलता और सबर कै पैहरलो।

1 तीमुथियुस 5:1

किसी बी बड़े-बू़़ढ़े आदमी कै ना डाँटौ पर बाकै अपने अब्बा की उमर को समज कै समजाऔ, और अपने सै छोटेऔ के संग पियार सै भईया के हाँई बरताब करौ।

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

याकूब 4:6

परमेसर तौ हमरे ऊपर और बी जादा किरपा करै है; इसताँई पबित्‍तर सास्तर मै कैओ गओ है, “परमेसर घमंड कन्‍नै बारौ के खिलाप है, पर दीन आदमिऔ की भौत सायता करै है।”

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

1 पतरस 4:1

मसी नै अपने सरीर मै दुख उठाओ, इसताँई तुम बी ऐंसेई मन सै तईयार हो जाऔ, कैसेकै जिसनै सरीर मै दुख उठाओ है बौ पाप सै आजाद हो गओ है।

1 पतरस 4:5

पर बे परमेसर कै अपने कामौ को लेखो दंगे जो जिन्‍दे और मरे भएऔं को नियाय कन्‍नै के ताँई तईयार है।