1 पतरस 5:12 - बुक्सा

¹² मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

1 पतरस 5:12 Mawu Ofanana

यहून्‍ना 21:21

बाकै देक्‍कै पतरस नै ईसु सै कैई, “हे परभु जा आदमी को का होगो?”

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

चेलौ के काम 15:22

तबई सिगरे बिसवासी लोग, और भेजे भए चेलौ और बिसवासिऔ की मंडली के मुखियौं नै जौ ठानो कै हम्मै सै कुछ लोगौ कै पौलुस और बरनबास के संग अन्‍ताकिया मै भेज दंगे। तबई उन्‍नै बरसब्बा जिसकै यहूदा बी कैबै हैं बाकै और सीलास कै छाँटो जो सिगरे भईयौ के मुखिया हे उनकै भेजो।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

रोमियो 5:2

मसी नै हमरे ताँई उस किरपा को दरबाजो खोलो है जिसमै हम अबी खड़े हैं, जो बिसवास के कारन हमकै मिलो है। और परमेसर की महिमा की उमीद मै हम घमंड करैं हैं।

1 कुरन्‍थियों 15:1

भईयौ और बहनौ, मैं तुमकै याद दिब्बानो चाँहौ हौं कै जो अच्‍छी खबर मैंनै तुमरे बीच मै पैले सुनाई ही। जिसकै तुम मानौ हौ और जिसमै तुम चलौ हौ।

2 कुरन्‍थियों 1:19

कैसेकै परमेसर को बेटा, ईसु मसी, जिसकी अच्‍छी खबर को सन्‍देसो सिलवानुस, तीमुथियुस और मैंनै तुमरे बीच मै दओ हो, बामै कबी हाँ और कबी ना दौनौ ना हे, पर बामै सिरप हाँ ही।

2 कुरन्‍थियों 1:24

और जाको मतलब जौ ना है कै, हम तुमरे बिसवास के ऊपर हक पानो चाँहै हैं। तुम तौ अपने बिसवास मै मजबूत हौ, पर हम तुमरे संग काम करकै तुमकै खुसी देनी चाँहै हैं।

इफिसिऔ 3:3

और बानै बौ भेद की बात मेरे ऊपर परकट करी जिसके बारे मै मैं पैले थोड़ो सो लिख चुको हौं।

इफिसिऔ 6:21

तुखिकुस जो परभु मै मेरो पियारो भईया और एक ईमानदार सेवक है, बौ तुमकै मेरी सिगरी बातौं कै बता देगो जिस्सै कै तुमकै पतो चल जाऐ कै, मैं कैसो हो और का कर रओ हौं।

कुलुसिऔं 1:7

और हमरे संग काम कन्‍नै बारो पियारो भईया इपफरास जो हमरी ओर सै मसी को बिसवासी सेवक है, और तुमकै बाई सै जा अच्‍छी खबर को गियान मिलो है।

कुलुसिऔं 4:7

तुखिकुस जो परभु मै मेरो पियारो भईया और परभु को सच्‍चो सेवक और सेवा मै मेरो संगी साती है, बौ तुमकै मेरे बारे मै सिगरी बातौं कै बता देगो।

कुलुसिऔं 4:9

और बाके संग भरोसेमंद और पियारे भईया उनेसिमुस कै भेज रओ हौं जो तुमरे हिंयई सै है, बे तुमकै हिंया की सिगरी बात बता दंगे।

1 थिसलुनीकियौ 1:1

जौ चिट्‌ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम मै है जो परम पिता परमेसर और परभु ईसु मसी मै बिसवास करै है। तुमकै किरपा और सान्‍ति मिलती रैह।

2 थिसलुनीकियौ 1:1

जौ चिट्‌ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम जो हमरे अब्बा परमेसर और परभु ईसु मसी मै हैं।

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

1 पतरस 1:13

इसताँई तुम चौकन्‍ने और खुद के ऊपर काबू रक्‍खौ और बा किरपा की ओर पूरी उमीद रक्‍खौ, जो ईसु मसी के परकट होनै के बखत तुमकै मिलनै बारी है।

1 पतरस 4:10

परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।

2 पतरस 1:12

इसताँई तुम लोग इन बातौं कै जानौ हौ और बा सच्‍चाई मै पक्‍के बने भए हौ, फिर बी मैं तुमकै इन बातौं कै हमेसा याद दिब्बातो रैहंगो।

2 पतरस 2:15

बे सीदी रस्ता कै छोड़कै भटक गए हैं, और बोसोर के लौंड़ा बिलाम की जैसी चाल चलै हैं, जिसकै बेईमानी की कमाई सै पियार हो।

3 यहून्‍ना 1:12

दमेतियुस के बारे मै हर किसी नै अच्‍छी गभाई दई है। जौई गभाई खुद सच, और हम बी देवै हैं, और तू जानै है कै हमरी गभाई सच्‍ची है।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।