1 पतरस 4:16 - बुक्सा

¹⁶ पर जो कोई मसी के नाम की बजै सै दुख झेलै है, तौ बौ सरमाऐ ना, पर बा नाम मै परमेसर की बड़ाई करै।

1 पतरस 4:16 Mawu Ofanana

चेलौ के काम 11:26

जब बौ बासै मिलो तौ तबई बाकै बी अन्‍ताकिया मै लिआओ और बे एक साल तक बिसवासिऔ की मंडली के लोगौ सै मिलते रैहए और भौस्से लोगौ कै सिकाते रैहए और सबसै पैले चेलौ कै अन्‍ताकिया मै “मसी” कैओ गओ।

चेलौ के काम 26:28

तबई राजा अगरिपा नै पौलुस सै कैई कै, “का तू जौ समजै है कै तू इत्‍ती आसानी सै मैंकै मसी मै बिसवास कन्‍नै के ताँई राजी कर लेगो?”

चेलौ के काम 28:22

पर जाके बारे मै तेरो कैनो का है? हम तेसै सुन्‍नो चाँहै हैं, कैसेकै हमकै पतो है कै हर जघै इन मसी समू के लोगौ को सबई बिरोद कर रए हैं।”

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

फिलिप्‍पीऔ 1:29

तुम लोगौ कै ना सिरप मसी मै बिसवास कन्‍नै के ताँई बलकन बाकी बजै सै दुख उठानै के ताँई बी किरपा मिली है।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।

याकूब 2:7

का बे ईसु मसी के अच्‍छे नाम की बुराई ना करै हैं, जिस नाम सै तुम जाने जाबौ हौ?

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।

1 पतरस 4:14

अगर मसी के नाम सै लोग तुमरी बेजती करै हैं तौ तुम खुद कै धन्‍न समजौ; कैसेकै महिमा को आत्‍मा जो परमेसर की आत्‍मा है बौ तुमरे भीतर बसै है।

1 पतरस 4:19

इसताँई जो लोग परमेसर की इच्‍छा सै दुख झेलै हैं, बे भलाई करते भए अपनी जान कै बा परमेसर के हात मै दे दैं जो बिसवासजोग और सबकै बनानै बारो है।