1 पतरस 3:9 - बुक्सा

⁹ बुराई के बदले बुराई ना करौ और ना बेजती के बदले बेजती करौ; बलकन दूसरौं कै आसीरबाद देओ कैसेकै तुमकै परमेसर नै इसताँई बुलाओ है कै तुम आसीस पाऔ।

1 पतरस 3:9 Mawu Ofanana

मत्‍ती 19:29

और जिसनै मेरे ताँई घर, भईयौ या बहनौ, अईया या अब्बा, बाल-बच्‍चे या खेत छोड़ दए हैं, बौ सौ गुना पागो और हमेसा की जिन्‍दगी को हकदार होगो।

मत्‍ती 25:34

“तब राजा अपने खाने हात बारे लोगौ सै कैगो, हे मेरे अब्बा के धन्‍न लोगौ, आऔ और उस राज के हकदार बन जाऔ, जो दुनिया के सुरू सैई तुम लोगौ के ताँई तईयार करो गओ है।

मत्‍ती 5:39

पर मैं तुमसै कैरओ हौं, कै बुरे को सामनो ना करिओ, पर जो कोई तेरे खाने गाल मै चाँट मारै, उसकी ओर दूसरो बी फेर दे।

मत्‍ती 5:44

पर मैं तुमसै जौ कैरओ हौं, कै अपने दुसमनौ सै पियार रक्‍खौ और अपने सतानै बारौ के ताँई पिराथना करौ।

मरकुस 10:17

ईसु जैसेई अपने सफर मै लिकरो, तौ एक आदमी उसके धौंरे दौड़ते भए आओ, और उसके अग्गे घूंटे टेक्‍कै उस्सै पूँछी, “हे भले गुरू, हमेसा की जिन्‍दगी पानै के ताँई मैं का करौं?”

लूका 10:25

तब एक सास्तरी खड़ो भओ और ईसु कै परखनै के ताँई उस्सै पूँछी, “गुरू, हमेसा की जिन्‍दगी को बारिस होनै के ताँई मैं का करौं?”

लूका 18:18

फिर किसी यहूदी नेता नै ईसु सै पूँछी, “ओ अच्‍छे गुरू, हमेसा की जिन्‍दगी पानै के ताँई मैंकै का कन्‍नो चँईऐ?”

रोमियो 12:14

जो तुमकै सताबैं हैं उनकै आसीस दो पर सराप मत दो, सिरप आसीस दो।

रोमियो 12:17

बुराई के बदले मै बुराई ना करौ। और जो सब लोगौ की नजरौ मै अच्‍छो है उनकै कन्‍नै की कोसिस करौ।

रोमियो 8:28

और हम जानै हैं, कै जो लोग परमेसर सै पियार रक्‍खै हैं, मतलब जिसकै परमेसर नै अपनी मरजी सै बुलार खाओ है उनके ताँई सब बात मिलकै भलाई कैई लामै हैं।

रोमियो 8:30

फिर जिनकै उसनै पैलेई सै ठैराओ है, उनकै बुलाओ बी और जिनकै बुलाओ, उनकै धरमी बी ठैराओ और जिनकै धरमी ठैराओ, उनकै महिमा बी दई है।

गलातिऔ 3:14

जौ इसताँई भओ कै, जो आसीस इब्राहिम कै देर खाई ही, बौ मसी ईसु के दुआरा गैर यहूदी लोगौ कै बी मिल सकै और हमरे बिसवास के दुआरा बौ सच्‍ची आत्‍मा मिलै जिसको बादो परमेसर नै करर खाओ है।

इफिसिऔ 4:32

तुम आपस मै एक दूसरे के ऊपर दया और रैहम करौ, और जिस तरै सै परमेसर नै मसी की बजै सै तुम लोगौ की गलतिऔं कै माफ करो बैसेई तुम बी एक दूसरे की गलतिऔं कै माफ करौ।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

इबरानिओ 12:17

तुम तौ जौ जानौ हौ कै जब बाद मै बानै बौ आसीस पानी चाँही तौ बौ बाके ताँई बेकार गिनी गई और बाके रो रो कै बिनती कन्‍नै के बाद बी बाकै मन फिरानै को मौको ना मिलो।

इबरानिओ 6:14

“मैं जरूर तेकै आसीस दंगो और तेरे खानदान कै बेसानी बढ़ांगो।”

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।