1 पतरस 3:18 - बुक्सा

¹⁸ कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

1 पतरस 3:18 Mawu Ofanana

मत्‍ती 27:19

पीलातुस जब नियाय के आसन मै बैठो हो तौ बाकी बईयर नै बाके धौंरे एक सन्‍देसो भेजो कै, “तू बा धरमी आदमी के मामले मै कुछ मत कर बैठिए। मैंनै उसके बारे मै एक सपनो देखो है, जिस्सै आज सैरे दिन मै बेचैन रैहई।”

मत्‍ती 27:24

जब पीलातुस नै देखो कै कुछ ना बन पड़ रओ है, उल्टा दंगा फसाद हो सकै है, तौ बानै पानी मँगाकै लोगौ के सामने हात धोए और कैई, “मैं इस धरमी के खून को दोसी ना हौं, तुम लोग जानौ।”

यहून्‍ना 16:10

कैसेकै मैं अब्बा के धौंरे जाबौ हौं, और तुम मैंकै फिर ना देख पाऔगे इसताँई कै धरम के काम के बारे मै तुम लोग गलत हौ।

चेलौ के काम 22:14

“तबई बानै मैंसै कैई कै, ‘हमरे बापदादौं के परमेसर नै तेकै इसताँई छाँटो है कै तू बाकी इच्‍छा जानै और बा धरमी कै देखै और बाकी बात सुनै।

चेलौ के काम 3:14

तुमनै उस पबित्‍तर और धरमी कै छोड़नै सै इनकार करो, और एक खूनी कै छोड़नै के ताँई बिनती करी।

रोमियो 4:25

परमेसर नै ईसु कै हमरे पापौं के बजै सै मरनै के ताँई दे दओ, बाई नै हमकै धरमी बनानै के ताँई मरे भएऔं मै सै ईसु कै फिर जिन्‍दो कर दओ।

रोमियो 5:2

मसी नै हमरे ताँई उस किरपा को दरबाजो खोलो है जिसमै हम अबी खड़े हैं, जो बिसवास के कारन हमकै मिलो है। और परमेसर की महिमा की उमीद मै हम घमंड करैं हैं।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

रोमियो 8:3

कैसेकै जो काम सरीर की कमजोरी के कारन नियम ना कर सको, उसकै परमेसर नै करो, यानी अपनेई लौंड़ा कै उसनै पापी आदमी जैसे आदमी के सरीर मै भेजो, इस तरीका सै परमेसर नै आदमी के सरीर मै पाप कै सजा दई।

2 कुरन्‍थियों 1:24

और जाको मतलब जौ ना है कै, हम तुमरे बिसवास के ऊपर हक पानो चाँहै हैं। तुम तौ अपने बिसवास मै मजबूत हौ, पर हम तुमरे संग काम करकै तुमकै खुसी देनी चाँहै हैं।

2 कुरन्‍थियों 13:4

जौ सच है कै, जब बौ कुरूस मै चढ़ाओ गओ, तौ बौ कमजोर हो, पर बौ परमेसर की सकति सै जिन्‍दो है। और जौ बी सच है कै मसी के साती होनै की बजै सै हम बी कमजोर हैं पर तुमरे फाएदा के ताँई परमेसर की सकति की बजै सै हम बाके संग जिन्‍दे रैहंगे जिस्सै कै तुमरी सेवा करते रैंह।

2 कुरन्‍थियों 5:21

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

गलातिऔ 1:4

ईसु मसी नै हमरे पापौं के ताँई अपनी जान तक दे दई जिस्सै कै हम जा बुरे युग मै रैह रए हैं, बासै छुटकारो पा सकैं और हमरे पिता परमेसर की इच्‍छा जौई है।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

इफिसिऔ 3:12

मसी मै और उसके ऊपर बिसवास कन्‍नै के दुआरा, हम पूरे भरोसे के संग परमेसर के धौंरे जानै के ताँई पूरी हिम्मत रक्‍खै हैं।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

इबरानिओ 10:10

कैसेकै ईसु मसी को सरीर एकई दफै हमेसा के ताँई बलि चढ़ा दओ और जाई बलि के दुआरा हम पबित्‍तर करे गए हैं।

इबरानिओ 9:14

मसी को खून भौत कुछ कर सकै है, मसी तौ हमेसा की आत्‍मा के दुआरा हमरे परमेसर के सामने निरदोस चढ़ाबो करकै खुद कै चढ़ाओ, तब तौ बाको खून जरूर मौत की ओर लेजानै बारे कामौ सै हमरे मन कै सुद्‍द करैगो, जिस्सै हम जिन्‍दे परमेसर की सेवा करैं।

इबरानिओ 9:26

अगर ऐंसो है तौ जब सै दुनिया बनी ही तब सै मसी कै बेरमबेरा दुख झेलनो पड़तो। पर अब युग के अन्‍त मै बानै खुद की बलि के दुआरा पापौं कै खतम कन्‍नै के ताँई एकई दफै परकट करो।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

याकूब 5:6

तुमनै धरमी आदमी कै दोसी ठैराकै मार डारो; पर बानै तुमरे खिलाप कुछ काम ना करो।

1 पतरस 3:19

जिन्‍दो होकै बौ कैद मै पड़ी आत्‍माऔ के धौंरे मुक्‍ति की अच्‍छी खबर कै सुनानै के ताँई गओ।

1 पतरस 4:1

मसी नै अपने सरीर मै दुख उठाओ, इसताँई तुम बी ऐंसेई मन सै तईयार हो जाऔ, कैसेकै जिसनै सरीर मै दुख उठाओ है बौ पाप सै आजाद हो गओ है।

1 पतरस 4:6

कैसेकै मरे भए आदमिऔ कै बी अच्‍छी खबर इसताँई सुनाई ही कै सरीर के हिसाब सै उनको नियाय हो पर आत्‍मा मै बे परमेसर के हिसाब सै जीऐं।

1 यहून्‍ना 1:9

हम अगर अपने पापौं कै मान लेबै हैं, तौ बौ हमरे पापौं कै माफ कन्‍नै, और हमकै सब अधरम के कामौ सै सुद्‍द कन्‍नै मै बिसवासजोग और धरमी है।