1 पतरस 3:17 - बुक्सा

¹⁷ अगर परमेसर की जौई मरजी है कै तुमकै दुख झेलनो है तौ बुरे काम सै ना पर भले काम करकै दुख झेलनो अच्‍छो है।

1 पतरस 3:17 Mawu Ofanana

मत्‍ती 26:39

फिर बौ थोड़ो अग्गे बढ़ो और मौह के बल गिरो, और जौ पिराथना करल लगो कै, “हे मेरे अब्बा, अगर हो सकै तौ, जौ दुख को कटोरा मैंसै टल जाय, तौबी जैसो मैं चाँहौ हौं बैसो ना, पर जैसो तू चाँहै है बैसोई हो।”

मत्‍ती 26:42

फिर बानै दूसरी दफै जाकै जौ पिराथना करी कै, “हे मेरे अब्बा अगर जौ पियालो मेरे पिए बिना ना टल सकै है तौ तेरी मरजी पूरी हो।”

चेलौ के काम 18:21

पर बानै ऐंसे कैई कै अगर परमेसर चाँहैगो तौ मैं फिर तुमरे धौंरे आंगो और बौ इफिसुस सै पानी के जिहाज सै चले गओ।

चेलौ के काम 21:14

जब बानै हमरी जौ बात ना मानी तौ हम जौ कैह कै चुप हो गए कै, “जैसी परभु की इच्‍छा।”

1 पतरस 1:6

अगर अबी थोड़े बखत के ताँई तुमरे ऊपर तरै-तरै की परेसानी और दुख आ जाँय तौबी तुम बा मुक्‍ति के ताँई खुस हो जाऔ।

1 पतरस 2:15

कैसेकै परमेसर की इच्‍छा जौ है कै तुम भले काम करकै उन मूरख लोगौ को मौह बन्‍द कर दो जिनकै कोई अकल ना है।

1 पतरस 2:20

अगर बुरे काम की बजै सै तुमकै पीटो जावै है और बा बखत तुम सबर रक्‍खौ हौ तौ जामै बड़ाई की का बात है? पर तुमकै तुमरे भले कामौ की बजै सै सताओ जावै है और तुम सबर रक्‍खौ हौ तौ जौ परमेसर के सामने बड़ाई की बात है।

1 पतरस 3:14

और अगर तुमकै धरम के काम करते भए दुख बी सैहनो पड़ै, तौ तुम धन्‍न हौ इसताँई नाई उनकी धमकिऔं सै घबराऔ और नाई डरौ।

1 पतरस 4:15

तुम मै सै कोई बी आदमी खूनी, चोर, कुकरम कन्‍नै बारो या दूसरे के काम मै टांग अड़ानै की बजै सै दुख ना झेलै।

1 पतरस 4:19

इसताँई जो लोग परमेसर की इच्‍छा सै दुख झेलै हैं, बे भलाई करते भए अपनी जान कै बा परमेसर के हात मै दे दैं जो बिसवासजोग और सबकै बनानै बारो है।