1 पतरस 3:14 - बुक्सा

¹⁴ और अगर तुमकै धरम के काम करते भए दुख बी सैहनो पड़ै, तौ तुम धन्‍न हौ इसताँई नाई उनकी धमकिऔं सै घबराऔ और नाई डरौ।

1 पतरस 3:14 Mawu Ofanana

मत्‍ती 10:28

“उनसै ना डरौ, जो सरीर कै मार डारै हैं, पर आत्‍मा कै ना मार सकैं हैं; पर उस्सै डरौ, जो आत्‍मा और सरीर दौनौ कै नरक मै नास कर सकै है।

मत्‍ती 10:31

इसताँई, डरौ ना, तुम तौ भौत सी चिरईयौ सै जादा कीमती हौ।

मत्‍ती 10:39

जो अपने पिरान बचावै है, बौ बाकै खोगो, और जो मेरे कारन अपनो पिरान खोवै है, बौ बाकै पागो।

मत्‍ती 16:25

जो कोई अपनी जिन्‍दगी बचानी चाँहै है, उसकै बौ खोगो, पर जो कोई मेरे ताँई अपनी जिन्‍दगी खोगो, बौई उसकै बचागो।

मत्‍ती 19:29

और जिसनै मेरे ताँई घर, भईयौ या बहनौ, अईया या अब्बा, बाल-बच्‍चे या खेत छोड़ दए हैं, बौ सौ गुना पागो और हमेसा की जिन्‍दगी को हकदार होगो।

मरकुस 10:29

ईसु नै कैई, “मैं तुमसै सच कैरओ हौं किसी नै बी मेरे और अच्‍छी खबर के ताँई घर, भईयौ या बहनौ, अईया या अब्बा, बाल-बच्‍चे या खेत छोड़ दए हौं।

मरकुस 8:35

कैसेकै जो कोई अपनी जान बचानी चाँहै बौ उसकै खोगो, पर जो कोई मेरे और अच्‍छी खबर के ताँई अपनी जान देगो, बौ उसकै बचागो।

यहून्‍ना 14:1

“तुमरो जी ना घबराऐ। तुम परमेसर मै बिसवास रक्‍खौ, और मेरे ऊपर बी बिसवास रक्‍खौ।

यहून्‍ना 14:27

“मैं तुमकै अपनी सान्‍ति देए जाबौ हौं, अपनी सान्‍ति तुमकै देवौ हौं, ऐंसे ना देवौ हौं जैसे दुनिया तुमकै देवै है। तुमरो मन ना घबराऐ और ना डरै।

चेलौ के काम 9:16

मेरे ताँई जो बी बाकै मुसीबत उठानी पड़ंगी उनके बारे मै मैं खुदई बाकै बताँगो।”

2 कुरन्‍थियों 12:10

कैसेकै मैं मसी की सेवा करौ हौं पर मैं कमजोरिऔं मै, बेजती मै, मुसीबतौं मै और सताब मै पूरी तरै खुस हौं। कैसेकै जब मैं कमजोर होबौ हौं तौ तबई मैंकै तागत मिलै है।

फिलिप्‍पीऔ 1:29

तुम लोगौ कै ना सिरप मसी मै बिसवास कन्‍नै के ताँई बलकन बाकी बजै सै दुख उठानै के ताँई बी किरपा मिली है।

याकूब 1:12

धन्‍न है बौ आदमी, जो परख मै खरो लिकरै है, कैसेकै बौ खरो लिकरकै जिन्‍दगी को बौ मुकट पागो, जिसको बादो परमेसर नै अपने पियार कन्‍नै बारौ सै करो है।

याकूब 5:11

देखौ, सबर रखनै बारौ कै हम धन्‍न कैबै हैं। तुम लोगौ नै आयूब के सबर के बारे मै तौ सुनोई है, और परभु नै आखरी मै बाकै बाको ईनाम बी दओ, बाकै बी तुम जानौ हौ। कैसेकै परभु बेसानी तरस खानै बारो और दया कन्‍नै बारो है।

1 पतरस 3:6

जैसे सारा अपने लोग इब्राहिम की बातौं कै मानै ही और बाकै अपनो मालिक कैबै ही, और अगर तुम बी ऐंसेई बिना कोई डर के भलाई के काम करौ हौ तौ तुम बाकी लौंड़िया हौ।