1 पतरस 3:11 - बुक्सा

¹¹ बौ बुराई को सात छोड़ै, और भलाई करै और सान्‍ति कै ढूंड़नै मै लगो रैह और बाई मै चलै।

1 पतरस 3:11 Mawu Ofanana

मत्‍ती 5:45

जिस्सै तुम अपने सुरग मै रैहनै बारे अब्बा की औलाद ठैरौगे कैसेकै बौ भले और बुरे दौनौ के ऊपर अपनो सूरज उगावै है, और धरमिऔं और अधरमिऔं दौनौ के ऊपर बरखा बरसावै है।

मत्‍ती 5:9

धन्‍न हैं बे, जो मेल करबाबै हैं, बे परमेसर की औलाद कैलांगे।

मत्‍ती 6:13

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

मरकुस 14:7

गरीब तौ हमेसा तुमरे संग रैहंगे जब तुम चाँहौ उनकी मदत कर सको हौ, पर मैं तुमरे संग हमेसा ना रैहंगो।

लूका 1:79

जिस्सै बौ इन्धेरे और मौत की छाया मै बैठनै बारौ कै जोती दे, और हमरे पाँऐऔं कै सान्‍ति के रस्ता मै सीदे चलाऐ।”

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

लूका 6:9

तब ईसु नै उनसै कैई, “मैं तुमसै पूँछौ हौं कै आराम कन्‍नै बारे दिन का कन्‍नो ठीक है, भलो कन्‍नो या बुरो कन्‍नो; किसी की जान बचानो या नास कन्‍नो?”

यहून्‍ना 17:15

मैं तेसै जौ पिराथना ना करौ हौं कै तू उनकै दुनिया मै सै उठा ले, पर जौ पिराथना करौ हौं कै तू उनकै बा दुसट सै बचाए रख।

रोमियो 12:18

जहाँ तक हो सकै, अपनी ओर सै सबके संग मिलजुलकै रैहऔ।

रोमियो 14:17

कैसेकै परमेसर को राज खानै पीनै को ना, पर धारमिकता, सान्‍ति और खुसी को है, जो पबित्‍तर आत्‍मा सै मिलै है।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 5:1

परमेसर नै हमरे बिसवास के कारन हमकै धरमी मानो है। परभु ईसु मसी के दुआरा हमरो परमेसर सै मेल हो गओ है।

रोमियो 7:19

कैसेकै जो अच्‍छे काम मैं कन्‍नो चाँहौ हौं, मैं ना कर पावौं हौं बलकन जो मैं ना कन्‍नो चाँहौ हौं, बेई बुरे काम मैं करौ हौं।

रोमियो 7:21

इसताँई मैं जौ नियम देखो हौं, कै जब मैं अच्‍छे कामौ कै कन्‍नो चाँहौ हौं, तौ मैंकै बुराई नजर आवै है।

रोमियो 8:6

सरीर मै मन लगानो तौ मौत है, पर आत्‍मा मै मन लगानो जिन्‍दगी और सान्‍ति है।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

गलातिऔ 6:10

इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

कुलुसिऔं 3:15

मसी की सान्‍ति तुमरे दिल मै राज करै और जाई सान्‍ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्‍नबाद देते रौह।

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

याकूब 4:17

और जो आदमी जौ जानै है कै बाकै भलाई कन्‍नी चँईऐ, मगर बौ ना करै है, तौ बौ पाप कर रओ है।

1 पतरस 3:12

कैसेकै परभु की नजर धरमी लोगौ के ऊपर बनी रैहबै है और बाके कान उनकी पिराथना सुनै हैं, मगर परभु को मौह बुरे काम कन्‍नै बारौं के खिलाप रैहबै है।”

3 यहून्‍ना 1:11

मेरे पियारे दोस्त, बुराई के रस्ता मै ना पर भलाई के रस्ता मै चलौ, जो भलाई करै है, बौ परमेसर सै है, जो बुराई करै है, बानै परमेसर कै ना देखो है।