1 पतरस 2:4 - बुक्सा

⁴ अब तुम मसी के धौंरे आऔ जो जिन्‍दो पत्‍थर है, जिसकै आदमिऔ नै तौ बेकार समजकै लिकार दओ, पर जो परमेसर की नजरौ मै कीमती और छाँटो भओ है।

1 पतरस 2:4 Mawu Ofanana

मत्‍ती 11:28

“हे थके-माँदे और बोज सै दबे भए लोगौ, मेरे धौंरे आऔ, मैं तुमकै सुक चैन दंगो।

मत्‍ती 12:18

“जौ मेरो सेवक है, जो मैंनै चुनो है, जौ मेरो पियारो है, जिस्सै मेरो मन खुस है, मैं अपनो आत्‍मा उसमै डारंगो, और बौ गैर यहूदिऔं कै नियाय की खबर देगो।

मत्‍ती 21:42

ईसु नै उनसै कैई, “का तुमनै पबित्‍तर सास्तर को जौ बचन ना पढ़ो? राजमिस्तरिऔ नै जो पत्‍थर बेकार समजकै लिकार दओ हो बौई कौने को पत्‍थर बन गओ। जौ परभु को काम है, जो हमरी नजरौ मै अचम्बे को है।

यहून्‍ना 14:19

थोड़ी देर बाद दुनिया मैंकै फिर ना देखैगी, पर तुम मैंकै देखौगे। मैं जिन्‍दो हौं, इसताँई तुम बी जिन्‍दे रैहओगे।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 5:26

जिस तरै अब्बा अपने भीतर खुद जिन्‍दगी रखै है, बैसेई बानै लौंड़ा कै बी अपने भीतर खुद जिन्‍दगी रखनै कै देई।

यहून्‍ना 5:40

फिर बी तुम जिन्‍दगी पानै के ताँई, मेरे धौंरे आनो ना चाँहौ हौ।

यहून्‍ना 6:37

जो कुछ अब्बा मैंकै देवै है, बौ सब मेरे धौंरे आगो, और जो कोई बी मेरे धौंरे आगो बाकै कबी ना लिकारंगो।

यहून्‍ना 6:57

जिस तरै जिन्‍दे अब्बा नै मैं भेजो हौं और मैंकै अब्बा के बजै सै जिन्‍दगी मिली है, इसी तरै सै जो मैंकै खावै है बौ बी मेरे बजै सै जिन्‍दो रैहगो।

रोमियो 5:10

कैसेकै जब हम परमेसर के दुसमन हे, तौ उसनै अपने लौंड़ा की मौत के दुआरा हमरो मेल अपने संग कराओ है, और अब मेल हो चुको है तौ हम मसी जिन्‍दगी दुआरा मुक्‍ति काए ना पांगे?

1 कुरन्‍थियों 3:11

कैसेकै जो नीह डारी गई है बाकै छोड़कै कोई दूसरी नीह ना डार सकै है कैसेकै बौ नीह ईसु मसी है।

कुलुसिऔं 3:4

मसी तुमरी जिन्‍दगी है और जब बौ परकट होगो, तौ तुम बी बाके संग महिमा मै परकट हो जाऔगे।

1 पतरस 1:19

बलकन बौ छुटकारो तौ तुमकै निरदोस और बिना कलंक बारे मैमना के हाँई मसी के कीमती खून सैई मिलो है।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

1 पतरस 2:7

और बिसवास कन्‍नै बारे लोगौ के ताँई जौ पत्‍थर कीमती है। पर जो लोग बिसवास ना करै हैं उनके ताँई जिस पत्‍थर कै राजमिस्तरिऔ नै बेकार समजो बौई कौने को पत्‍थर बन गओ।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

2 पतरस 1:4

इसताँई उसनै हमकै बड़े और कीमती बादे दए हैं, ताकि तुम नास होनै सै बच सकौ जो जा दुनिया मै बुरी इच्‍छा सै आवै है, और तुम परमेसर के सौभाब के हिस्सेदार हो जाऔ।