1 पतरस 2:16 - बुक्सा

¹⁶ आजाद आदमी के हाँई जिऔ पर अपनी आजादी कै बुरे कामौ कै छिपानै के ताँई अपनो साधन ना बनाऔ बलकन परमेसर के दास के हाँई जिन्‍दगी जिऔ।

1 पतरस 2:16 Mawu Ofanana

मत्‍ती 23:13

“अरे कपटी सास्तरिऔं और फरीसिऔं! तुम्मै धिक्‍कार है। तुम लोगौ के ताँई सुरग के राज को मौहड़ो बन्‍द कर देवौ हौ तुम खुद तौ ना जाबौ हौ पर जो जानो चाँहै है, उनकै रोक देवौ हौ।

यहून्‍ना 15:22

अगर मैं ना आतो और उनसै बात ना करतो, तौ बे पापी ना ठैरते, पर अब अपने पाप के ताँई उनके धौंरे कोई बहानो ना है।

रोमियो 6:18

तुम पाप सै आजाद करे गए हौ और धारमिकता के दास बन गए हौ।

रोमियो 6:22

मगर अब तुम पाप सै आजाद होकै परमेसर के दास बन गए हौ। और तुमकै फल मिलैगो बौ तुमकै सुद्‍द बनागो उसको अन्‍त को फल हमेसा की जिन्‍दगी है।

1 कुरन्‍थियों 7:22

कैसेकै जो गुलाम की हालत मै परभु मै बुलाओ गओ है, बौ परभु को आजाद करो भओ आदमी है, और बैसेई जो आजादी की हालत मै बुलाओ गओ है, बौ मसी को गुलाम है।

गलातिऔ 5:1

मसी नै हमकै आजाद कर दओ है, जिस्सै हम आजादी पांऐ। इसताँई बिसवास मै पक्‍के रौह और तुम फिर सै गुलामी मै ना दबिओ।

गलातिऔ 5:13

ओ भईयौ और बहनौ, परमेसर नै तुमकै आजाद रैहनै के ताँई बुलाओ है, पर ऐंसो ना होए कै तुमरी आजादी सरीर के बुरे कामौ की ओर होए। पर पियार सै एक दूसरे की सेवा करौ।

इफिसिऔ 6:6

तुम अपने मालिक कै खुस कन्‍नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय।

कुलुसिऔं 3:24

तुम जौ जानलो कै परभु तुमकै ईनाम के रूप मै अपनी बिरासत देगो, कैसेकै तुम परभु मसी के सेवक हौ।

1 थिसलुनीकियौ 2:5

कैसेकै परमेसर हमरो गभा है। तुम जौ बी जानौ हौ कै हम ना तौ कबी चुगली की बात करै हैं, और नाई कबी लालच के ताँई कोई बहानो बनाबै हैं।

याकूब 1:25

पर परमेसर के नियम सिद्‍द हैं जो हमकै आजादी देवै हैं, अगर कोई आदमी उन बचनौ के ऊपर धियान देवै है और उनकै सुनकै ना भूलै है, पर उन बचनौ के हिसाब सै चलै है तौ बौ परमेसर सै अपने कामौ मै आसीस पागो।

याकूब 2:12

तुम उन लोगौं के हाँई बोलौ और काम करौ, जिनको नियाय परमेसर के नियम के दुआरा होगो, और जौ नियम छुटकारो देगो।

2 पतरस 2:19

बे उनकै आजाद होनै के ताँई बादो करै हैं, पर बे खुद पाप के दास हैं कैसेकै जो आदमी जिस्सै हार गओ बौ बाको दास बन जावै है।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।