1 पतरस 1:3 - बुक्सा

³ हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

1 पतरस 1:3 Mawu Ofanana

यहून्‍ना 1:13

बौ ना तौ खून सै, ना सरीर की इच्‍छा सै और ना आदमी की इच्‍छा सै, पर परमेसर सै पैदा भओ है।

रोमियो 12:12

उमीद सै खुस रैहऔ, तुम मुसीबत मै हौसला रक्‍खौ और हमेसा पिराथना मै लगे रौह।

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

रोमियो 4:25

परमेसर नै ईसु कै हमरे पापौं के बजै सै मरनै के ताँई दे दओ, बाई नै हमकै धरमी बनानै के ताँई मरे भएऔं मै सै ईसु कै फिर जिन्‍दो कर दओ।

रोमियो 5:10

कैसेकै जब हम परमेसर के दुसमन हे, तौ उसनै अपने लौंड़ा की मौत के दुआरा हमरो मेल अपने संग कराओ है, और अब मेल हो चुको है तौ हम मसी जिन्‍दगी दुआरा मुक्‍ति काए ना पांगे?

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

रोमियो 8:24

इस उमीद सैई हमरी मुक्‍ति भई है। पर जब हम जिस चीज की उमीद करै हैं और उसकै देख लेबै हैं, तौ फिर बौ उमीद ना है। कैसेकै जिस चीज कै कोई देख रओ है, तौ उस चीज की उमीद कौन करैगो?

1 कुरन्‍थियों 13:13

पर अबी तौ बिसवास, उमीद और पियार जे तीनौ बने रैहबैं हैं। पर इन तीनौ मै पियार सबई सै बड़ो है।

1 कुरन्‍थियों 15:20

पर जौ बात सच्‍ची है कै मसी मरे भएऔं मै सै जिन्‍दो करो गओ; जो लोग मर गए उनमै मसी कै सबसै पैले जिन्दो करो, जौ बा बात कै दिखाबै है कै मरे भए लोग बी जिन्‍दे हो जांगे।

2 कुरन्‍थियों 1:3

हमरे परभु ईसु मसी के परम पिता परमेसर को धन्‍नबाद होए, जो किरपा को अब्बा और सबई तरै की तसल्‍ली दैनै बारो परमेसर है।

गलातिऔ 6:16

और जो लोग जा नियम कै मानै हैं उनके ऊपर और परमेसर के ईसराइली लोगौ के ऊपर सान्‍ति और दया होती रैह। ऐंसोई होए।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

इफिसिऔ 1:3

हमरे परभु ईसु मसी के परमेसर और अब्बा की बड़ाई हो। बानै हमकै मसी मै सुरग के सिगरे आत्‍मिक बरदान दए हैं।

इफिसिऔ 1:7

हमकै मसी मै मसी की मौत के दुआरा छुटकारो मतलब पाप की माफी मिली है। जौ परमेसर की भौस्सी किरपा सै मिलो है।

इफिसिऔ 2:4

पर परमेसर जो दया को सेट है, बानै अपने बड़े पियार की बजै सै हम सै इत्‍तो पियार करो है कै,

इफिसिऔ 3:20

अब परमेसर अपनी बा सकति के दुआरा जो हमरे भीतर काम करै है, जित्‍तो हम माँग सकै हैं, या जहाँ तक हम सोच सकै हैं, बासै बी भौत जादा बौ कर सकै है।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

कुलुसिऔं 1:27

परमेसर उनकै दिखानो चाँहै है कै गैर यहूदी लोगौ मै महिमा की गुप्‍त बात का है? और बौ जौ है कै, मसी जो महिमा की आस है बौ तुमरे भीतर रैहबै है।

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।

1 थिसलुनीकियौ 4:13

ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

याकूब 1:18

परमेसर नै अपनी मरजी सै हमकै सच्‍चाई के बचन सै पैदा करो है, जिस्सै कै हम बाकी बनाई भई चीजौ मै सै पैलो फल बनै।

1 पतरस 1:13

इसताँई तुम चौकन्‍ने और खुद के ऊपर काबू रक्‍खौ और बा किरपा की ओर पूरी उमीद रक्‍खौ, जो ईसु मसी के परकट होनै के बखत तुमकै मिलनै बारी है।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।

1 पतरस 1:23

कैसेकै तुमकै नओ जलम मिलो है और जौ जलम तुमकै तुमरे अईया-अब्बा सै ना मिलो है जो खतम हो जावै है पर परमेसर सै जिन्‍दो और हमेसा रैहनै बारे बचन सै मिलो है।

1 पतरस 2:2

नए जलमे बालक के हाँई सुद्‍द, और आत्‍मिक दूद पीनै के ताँई तरसते रौह ताकि बासै बढ़ौ और तुम मुक्‍ति मै बढ़ते जाऔ।

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।

1 पतरस 3:5

कैसेकै पैले जमाने मै परमेसर मै आस रखनै बारी पबित्‍तर बईयरैं खुद ऐंसेई सजैं हीं और अपने लोग की बातौं कै मानै हीं।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।

1 यहून्‍ना 3:9

जो परमेसर की औलाद है, बौ पाप ना करतो रैहगो, कैसेकै बामै परमेसर को बीज बनो रैहबै है। बौ पाप ना कर सकै है, कैसेकै बौ परमेसर सै जलमो है।

1 यहून्‍ना 4:7

हे पियारे लोगौ, हमकै दूसरौं सै पियार रखनो चँईऐ, कैसेकै पियार परमेसर सै मिलै है और हर कोई जो पियार करै है, बौ परमेसर की औलाद बन गओ है, और परमेसर कै जानै है।

1 यहून्‍ना 5:1

जो कोई जौ बिसवास करै है कै ईसुई मसी है, बौ परमेसर की औलाद बन गओ है, और जो कोई परम पिता सै पियार करै है, बौ बाकी औलाद सै बी पियार करै है।

1 यहून्‍ना 5:18

हम जानै हैं कै जो कोई परमेसर की औलाद बन गओ है बौ पाप ना करतो रैहबै है। बलकन जो परमेसर की औलाद हैं उनकै परमेसर बचाकै रक्‍खै है और बौ दुसट उनको कुछ बी ना बिगाड़ पावै है।

1 यहून्‍ना 5:4

कैसेकै जो कोई परमेसर की औलाद बन जावै है, बौ दुनिया के ऊपर जीत पावै है, और जा दुनिया के ऊपर जीत दैनै बारो हमरो बिसवास है।