1 पतरस 1:13 - बुक्सा

¹³ इसताँई तुम चौकन्‍ने और खुद के ऊपर काबू रक्‍खौ और बा किरपा की ओर पूरी उमीद रक्‍खौ, जो ईसु मसी के परकट होनै के बखत तुमकै मिलनै बारी है।

1 पतरस 1:13 Mawu Ofanana

मत्‍ती 20:4

तब उसनै उनसै कैई, ‘तुम बी मेरे अंगूर के बगीचा मै जाऔ, मैं तुमकै ठीक ठाक डिहाड़ी दे दंगो’ और बे बहाँ काम कन्‍नै चले गए।

लूका 12:35

“करम कन्‍नै के ताँई हमेसा तईयार रैहऔ। और अपने दिया पजारकै रक्‍खौ।

लूका 17:30

उस दिन बी जब ‘मैं’ आदमी को लौंड़ा परकट हौंगो, ठीक ऐंसोई होगो।

लूका 17:8

पर बजाऐ इसके का बौ उसकै जौ ना कैगो, ‘मेरी रोटी तईयार कर, और अपने लत्‍ता पैहर और जब तक मैं खा-पी ना लौं, मेरी सेवा कर; तब इसके बाद तू बी खा-पी सकै है?’

रोमियो 13:13

हम बैसेई रैहऐ जैसे दिन के टैम मै रैहबैं हैं। और दाबतौं मै खाकै पीकै धुत्‍त ना होओ, बईयरौं के संग गलत काम ना करौ, भोग-विलास मै ना पड़ौ, लड़ाई, और ना किसी सै जरन रक्‍खौ।

रोमियो 8:19

कैसेकै जौ दुनिया बड़ी आस के संग उस टैम को पैंड़ो देख रई ही, जब परमेसर की औलाद कै परकट करो जागो।

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।

1 कुरन्‍थियों 13:13

पर अबी तौ बिसवास, उमीद और पियार जे तीनौ बने रैहबैं हैं। पर इन तीनौ मै पियार सबई सै बड़ो है।

इफिसिऔ 6:14

ऐंसे तईयार रौह, सच्‍चाई सै अपनी कमर कस लो और धारमिकता को कबज कै पैहरलो।

कुलुसिऔं 3:4

मसी तुमरी जिन्‍दगी है और जब बौ परकट होगो, तौ तुम बी बाके संग महिमा मै परकट हो जाऔगे।

2 थिसलुनीकियौ 1:7

और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,

2 तीमुथियुस 4:5

और तू सिगरी बातौं मै चौकस रैह, दुख सैह, अच्‍छी खबर के परचार को काम कर और अपनी सेवा पूरी कर।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

इबरानिओ 10:35

इसताँई हिम्मत ना हारौ कैसेकै बाको फल बड़ो है।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

इबरानिओ 6:19

ऐंसी आस हमरे पिरान के ताँई भरोसेमंद और सुरक्‍छित है और जौ आस हमकै सच्‍चे परमेसर के मौजूदगी मै ले जावै है।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

1 पतरस 1:10

जा मुक्‍ति के बारे मै उन नबिऔ नै भौत मैहनत के संग खोजबीन और जाँच पड़ताल करी, जिनौनै उस किरपा के बारे मै जो तुमरे ऊपर होनै बारी ही, बाकी भबिसबानी करी ही।

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

1 पतरस 5:12

मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।