1 यहून्‍ना 5:10 - बुक्सा

¹⁰ जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

1 यहून्‍ना 5:10 Mawu Ofanana

यहून्‍ना 3:16

“कैसेकै परमेसर नै दुनिया सै ऐंसो पियार करो कै बानै अपनो इकलौतो लौंड़ा दे दओ, कै जो कोई उसमै बिसवास करै बौ नास ना होए, पर हमेसा की जिन्‍दगी पाय।

यहून्‍ना 3:18

जो कोई बामै बिसवास करै है, बाकै दोसी ना ठैराओ जागो, पर जो कोई बामै बिसवास ना करै है, बौ दोसी ठैराओ जा चुको है, इसताँई कै बानै परमेसर के इकलौते लौंड़ा के नाम मै बिसवास ना करो।

यहून्‍ना 3:33

जिसनै बाकी गभाई मान लई बानै इस बात मै मौहर लगा दई कै परमेसर सच्‍चो है।

यहून्‍ना 5:38

और बाको बचन तुमरे मनौ मै बनो भओ ना रैहबै है, कैसेकै तुम उसमै बिसवास ना रक्‍खौ हौ जिसनै बौ भेजो है।

चेलौ के काम 8:37

फिलिप्‍पुस नै कैई कै, “अगर तू पूरे दिल सै बिसवास करै है तौई जल संस्कार ले सकै है।” बा अधकारी नै जबाब दओ, “मैं जौ बिसवास करौ हौं कै ईसु मसी परमेसर को लौंड़ा है।”

रोमियो 8:16

बौ आत्‍मा खुद हमरी आत्‍मा के संग मिलकै गभाई देवै है, कै हम परमेसर की औलाद हैं।

गलातिऔ 4:1

मैं जौ कैबौ हौं कै जब तक बारिस बालक होवै है तब तक सिगरी चीजौ को मालिक होते भए बी बामै और दास मै फरक ना होवै है।

गलातिऔ 4:6

तुम अब परमेसर की औलाद हौ, इसताँई परमेसर नै अपने लौंड़ा की आत्‍मा कै तुमरे दिल मै बसाओ है, जिस्सै कै तुम “हे अब्बा, हे पिता” कैह कै बुलाबौ हौ।

कुलुसिऔं 3:3

कैसेकै तुम तौ मर गए हौ और तुमरी जिन्‍दगी मसी के संग परमेसर के भीतर लुकी है।

इबरानिओ 3:12

हे बिसवासी भईयौ और बहनौ, चौकस रौह कै, तुम्मै सै किसी बी आदमी के मन मै बुराई और अबिसवास ना होए जो जिन्‍दे परमेसर सै दूर ले जावै है।

2 पतरस 1:19

नबिऔ को जौ बचन हमरे ताँई जा घटना सै और बी जादा पक्‍को भओ है; तुम जौ अच्‍छो करौ हौ कै जौ समजकै जामै धियान देवौ हौ कै बौ बचन एक दिया है जो इन्धेरे मै बा बखत तक चमकतो रैहबै है जब तक दिन को उज्‍जेरो ना होए और सकारे को तारो तुमरे दिल मै ना चमक उठै।

1 यहून्‍ना 1:10

अगर हम कैंऐ कै, हमनै कोई पाप ना करो है तौ हम परमेसर कै झूँटो साबित करै हैं, और बाको बचन हम्मै ना है।

1 यहून्‍ना 5:1

जो कोई जौ बिसवास करै है कै ईसुई मसी है, बौ परमेसर की औलाद बन गओ है, और जो कोई परम पिता सै पियार करै है, बौ बाकी औलाद सै बी पियार करै है।

परकासन 12:17

इस बजै सै अजगर उस बईयर सै भौत घुस्सा करल लगो, और उसकी दूसरी औलादौं सै जो परमेसर की आगियाँ कै मानै हैं और ईसु की गभाई दैनै मै टिके रैहबैं हैं, उनसै लड़ाई कन्‍नै गओ।

परकासन 2:17

“जिसके कान हौं बौ सुन ले आत्‍मा बिसवासिऔ की मंडलिऔ सै का कैबै है। “जो जै पाय, उसकै मैं गुप्‍त मन्‍ना मै सै दंगो और उसकै एक सपेद पत्‍थर बी दंगो और उस पत्‍थर मै एक नओ नाम लिखो भओ होगो, जिसकै बाके लैनै बारे के अलाबा और कोई ना जानैगो।