1 यहून्‍ना 4:16 - बुक्सा

¹⁶ इसताँई हम बा पियार कै जानै हैं और बाके ऊपर भरोसो रक्‍खैं हैं, जो परमेसर सै हमकै मिलै है। परमेसर पियार है, और जो पियार मै बनो रैहबै है, बौ परमेसर मै बनो रैहबै है और परमेसर बामै।

1 यहून्‍ना 4:16 Mawu Ofanana

यहून्‍ना 6:69

हमनै बिसवास करो है और जान लओ है कै परमेसर को पबित्‍तर जन तूई है।”

यहून्‍ना 9:3

ईसु नै जबाब दओ, “ना तौ जा आदमी नै पाप करो, नाई जाके अईया-अब्बा नै पर जौ इसताँई अन्धो पैदा भओ कै परमेसर के काम जामै दिखाए जांऐ।

1 कुरन्‍थियों 2:9

पर जैसो पबित्‍तर सास्तर मै लिखो है, “जिन बातौं कै ना तौ आँखौ नै देखो और ना कानौ नै सुनो, और नाई कोई आदमी उनकै अपने मन मै सोच सकै है। बेई बात परमेसर नै अपने पियार कन्‍नै बारौ के ताँई तईयार करी हैं।”

1 यहून्‍ना 3:1

देखौ परम पिता परमेसर नै हम सै कितनो पियार करो है, कै हम बाकी औलाद कैलाए, और हम हैं बी। दुनिया हमकै ना जानै है, कैसेकै दुनिया नै परमेसर कै ना जानो।

1 यहून्‍ना 3:16

मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

1 यहून्‍ना 3:24

जो परमेसर की आगियाँऔ कै मानै है, बौ परमेसर मै बनो रैहबै है और परमेसर बामै, और परमेसर नै हमकै पबित्‍तर आत्‍मा दई है, बाके दुआरा हम जानै हैं कै परमेसर हम्मै रैहबै है।

1 यहून्‍ना 4:7

हे पियारे लोगौ, हमकै दूसरौं सै पियार रखनो चँईऐ, कैसेकै पियार परमेसर सै मिलै है और हर कोई जो पियार करै है, बौ परमेसर की औलाद बन गओ है, और परमेसर कै जानै है।