1 यहून्‍ना 3:4 - बुक्सा

⁴ जो कोई पाप करै है, बौ परमेसर के नियम कै तोड़ै है, कैसेकै नियम कै तोड़नोई पाप है।

1 यहून्‍ना 3:4 Mawu Ofanana

मत्‍ती 5:19

इसताँई जो कोई इन छोटी सै छोटी आगियाँऔ मै सै किसी एक कै तोड़ै, और दूसरौं कै ऐंसो कन्‍नो सिकाबै है, बौ सुरग के राज मै सबसै छोटो कैलागो, पर जो कोई उनको पालन करैगो और उनकै सिकागो, बौई सुरग के राज मै बड़ो कैलागो।

चेलौ के काम 23:3

तबई पौलुस नै बासै कैई कै, “तू चूना सै पुति भई सपेद दिबाल है, परमेसर तेकै मारैगो। तू नियम के हिसाब सै मेरो नियाय कन्‍नै के ताँई बैठो है, पर तू नियम के बिरोद मै मैंकै चाँट मारनै को हुकम देरओ है।”

रोमियो 3:20

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

रोमियो 4:15

नियम तौ घुस्सा कै लेकै आवै है मगर जहाँ नियमई ना हैं तौ बहाँ नियम कै का तोड़ैं?

2 कुरन्‍थियों 12:21

मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्‍नै पैले भौत पाप करो हो और उनके गंदे काम, कुकरम, लुचपन बारी जिन्‍दगी सै मन ना फिरानै की बजै सै मैंकै रोनो पड़ै।

याकूब 5:15

और बिसवास की पिराथना सै बेमार आदमी ठीक हो जागो और परभु बा बेमार कै उठाकै खड़ो करैगो। और अगर बानै पाप करे बी हौंगे तौ परभु उनकै बी माफ कर देगो।

1 यहून्‍ना 5:17

सबई अधरम के काम पाप हैं, मगर ऐंसो पाप बी है जो मौत की ओर ना ले जावै है।