1 यहून्‍ना 3:23 - बुक्सा

²³ और बाकी आगियाँ जौ है कै हम बाके लौंड़ा ईसु मसी के नाम मै बिसवास करैं और जैसी आगियाँ मसी नै हमकै दई है बैसेई हम एक दूसरे सै पियार रक्‍खैं।

1 यहून्‍ना 3:23 Mawu Ofanana

मत्‍ती 22:39

दूसरो हुकम इसई के जैसो है अपने पड़ोसी कै अपने जैसे पियार करौ।

मरकुस 9:7

तबई एक बादर आओ और उनके ऊपर छाँ गओ, और उस बादर मै सै जौ अबाज सुनाई दई, “जौ मेरो पियारो लौंड़ा है इसकी सुनौ।”

यहून्‍ना 1:12

पर जितनौ नै बाकै अपनाओ, और जो लोग बाके नाम मै बिसवास करैं हैं, उन सबकै बानै परमेसर की औलाद होनै को हक दओ।

यहून्‍ना 13:34

“मैं तुमकै एक नई आगियाँ देवौ हौं कै तुम एक दूसरे सै पियार करौ। जैसो मैंनै तुमसै पियार करो है बैसेई तुम बी एक दूसरे सै पियार करौ।

यहून्‍ना 14:1

“तुमरो जी ना घबराऐ। तुम परमेसर मै बिसवास रक्‍खौ, और मेरे ऊपर बी बिसवास रक्‍खौ।

यहून्‍ना 15:12

मेरी आगियाँ जौ है कै जैसो मैंनै तुमसै पियार करो, बैसोई तुम बी एक दूसरे सै पियार करौ।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

यहून्‍ना 2:23

जब ईसु फसै के तौहार के दिनौ मै ऐरूसलेम मै हो, तौ ईसु के करे भए चमत्कार के चिन्‍न भौस्से लोगौ नै देखे, और उसके नाम मै बिसवास करो।

यहून्‍ना 3:18

जो कोई बामै बिसवास करै है, बाकै दोसी ना ठैराओ जागो, पर जो कोई बामै बिसवास ना करै है, बौ दोसी ठैराओ जा चुको है, इसताँई कै बानै परमेसर के इकलौते लौंड़ा के नाम मै बिसवास ना करो।

यहून्‍ना 6:29

ईसु नै उनकै जबाब देते भए कैई, “परमेसर जौ चाँहबै है, कै तुम मैंई मै बिसवास करौ जिसकै बानै भेजर खाओ है।”

चेलौ के काम 16:31

उन्‍नै कैई कै, “परभु ईसु मै बिसवास कर तबई तेकै और तेरे टब्बर कै मुक्‍ति मिलैगी।”

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

1 थिसलुनीकियौ 4:9

कैसेकै तुमनै एक दूसरे सै पियार रखनो परमेसर की ओर सैई सीको है, इसताँई एक दूसरे सै पियार कन्‍नै के बारे मै तुमकै कुछ लिखनै की जरूरत ना है।

1 तीमुथियुस 1:15

जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 पतरस 4:8

और सबसै बड़ी बात तौ जौ है कै आपस मै हमेसा पियार रक्‍खौ कैसेकै पियार भौस्से पापौं कै ढक देवै है।

1 यहून्‍ना 2:7

पियारे भईयौ, मैं तुमकै कोई नई आगियाँ ना लिख रओ हौं, जौ बौई पुरानी आगियाँ है, जो सुरू सै तुमकै मिली है। जौ पुरानी आगियाँ को बचन है, जिसकै तुम सुन चुके हौ।

1 यहून्‍ना 3:11

जौ सन्‍देसो तुमनै सुरू सैई सुनो है कै हमकै एक दूसरे सै पियार रखनो चँईऐ।

1 यहून्‍ना 4:15

और जो कोई जौ मान लेबै है कै, “ईसुई परमेसर को लौंड़ा है” तौ परमेसर बामै बनो रैहबै है, और बौ परमेसर मै।

1 यहून्‍ना 4:21

इसताँई हमकै मसी सै जौ आगियाँ मिली है कै जो परमेसर सै पियार करै है बाकै अपने भईया कै बी पियार कन्‍नो चँईऐ।

1 यहून्‍ना 5:13

परमेसर के लौंड़ा मै बिसवास कन्‍नै बारौं, मैं तुमकै जे बात इसताँई लिख रओ हौं कै तुम जौ जान पाऔ कै हमेसा की जिन्‍दगी तुमरे धौंरे है।