1 यहून्‍ना 3:16 - बुक्सा

¹⁶ मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

1 यहून्‍ना 3:16 Mawu Ofanana

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

यहून्‍ना 10:11

“अच्‍छो गरड़ीआ मैं हौं, अच्‍छो गरड़ीआ भेड़ौ के ताँई अपनी जान देवै है।

यहून्‍ना 10:15

बैसेई जैसे अब्बा मैंकै जानै है और मैं अब्बा कै जानौ हौं, और मैं भेड़ौ के ताँई अपनी जान देवौ हौं।

यहून्‍ना 13:34

“मैं तुमकै एक नई आगियाँ देवौ हौं कै तुम एक दूसरे सै पियार करौ। जैसो मैंनै तुमसै पियार करो है बैसेई तुम बी एक दूसरे सै पियार करौ।

यहून्‍ना 3:16

“कैसेकै परमेसर नै दुनिया सै ऐंसो पियार करो कै बानै अपनो इकलौतो लौंड़ा दे दओ, कै जो कोई उसमै बिसवास करै बौ नास ना होए, पर हमेसा की जिन्‍दगी पाय।

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

रोमियो 16:4

उनौनै मेरी जान बचानै के ताँई अपनी जान बी खतरा मै डार दई ही। ना सिरप मैं उनको धन्‍नबाद करौ हौं बलकन गैर यहूदिऔं की सबई बिसवासिऔ की मंडली बी उनको धन्‍नबाद करै है।

रोमियो 5:8

पर परमेसर नै हमरे ऊपर अपनो पियार दिखाओ। जबकि हम तौ पापी हे, तब्बी मसी नै हमरे ताँई अपनी जान दे दई।

2 कुरन्‍थियों 4:12

इसताँई हम तौ मौत को सामनो करते रैहबैं हैं। पर तुमकै हमेसा की जिन्‍दगी को फाएदा मिलै है।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

इफिसिऔ 5:25

ओ लोगौ अपनी अपनी बईयरौं सै बैसेई पियार करौ जैसो मसी नै बिसवासिऔ की मंडली सै करो और खुद कै बाके ताँई अपनी जान बी दे दई।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

फिलिप्‍पीऔ 2:30

कैसेकै बानै मसी के कामौ के ताँई अपनी जान तक की फिकर ना करी और बौ मरई गओ हो; ताकि जो कमी तुमरी ओर सै मेरी सेवा मै भई ही, बाकै पूरो करै।

1 थिसलुनीकियौ 2:8

तुमरे ताँई हमरो पियार और लगाब इत्‍तो बढ़ गओ हो कै हम परमेसर की अच्‍छी खबर के संग-संग अपनी जान बी दैनै के ताँई तईयार हे, कैसेकै तुम हमरे खास हो गए हौ।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

1 पतरस 1:18

कैसेकै तुम जानौ हौ, कै जो बेकार की जिन्‍दगी तुमरे बापदादौं सै मिली है बासै तुमकै छुटकारो मिलो है और जौ छुटकारो सौने या चाँदी जैसी चीजौ सै ना मिलो है जो नास हो जावै है।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

1 यहून्‍ना 2:6

जो ऐंसो कैबै है कै मैं परमेसर मै बनो रैहबौं हौं, तौ बाकै बैसीई जिन्‍दगी जीनी चँईऐ जैसी ईसु मसी नै जीई।

1 यहून्‍ना 2:9

जो कोई कैबै है कै मैं जोती मै हौं, और अपने भईया सै नफरत करै है, तौ बौ अब तक इन्‍धेरे मै है।

परकासन 1:5

ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्‍ति मिलती रैह। बौ जो हम सै पियार रक्‍खै है, और बानै अपने खून के दुआरा हमरे पापौं सै हमकै छुड़ाओ है।

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।